Yob 42:8 - Ebaibul

⁸ Aŋun, tolemutu tokona ŋimoŋin ŋikanikaarei ka ŋimeesekin ŋikanikaarei, ido toloto neni a Yob a eketiyan kaŋ, iinakis erae amuronot ŋina epeyo aŋuna kus. Ikilipakini iyes Yob eketiyan kaŋ, acamuni ayoŋ akilip keŋ ŋina akadyekitor iŋes ayoŋ nyetiya neni kus ikwa emaikina aŋuna ka abaŋao kus; anerae ipotu iyes nyirworo ŋuna iyookino aŋuna kaŋ lopite ŋolo erworitor Yob eketiyan kaŋ.”

Yob 42:8 Iomraidhean Croise

Akisy. 20:17

Kilip nai Aburaam neni ka Akuj aŋuna ka Abimelek, tolema Akuj ŋilam aneni ka Abimelek ka aneni ka aberu keŋ ta aneni a ŋaberu keŋ a ŋuna pa eitit, togeut akidore,

Akisy. 20:7

Kinyaka tokona aberu a ituŋanan, anerae erae ekile aberu a na ekadwaran, ikilipakini iŋes iyoŋ, ido toyar. Nai ani pa kinyaka iyoŋ iŋes, kire jik, itwani iyoŋ; iyoŋ ka ibore kon daadaŋ ŋini eyari.”

1 Ŋakiro a ŋirwa 15:26

Aŋuna abunio Akuj kiŋarakinia ŋilepi ŋulu adakito Asaduku ŋina ka Acamunet ke Ekapolon, apotu ikes toara erae amuronot ŋimoŋin ŋikanikaarei ka ŋimesekin ŋikanikaarei.

2 Ŋakiro a ŋirwa 29:21

Apotu ikes yaasi Kai ka Akuj ka anakwap a Yudaya ŋimoŋin ŋikanikaarei, ŋimesekin ŋikanikaarei, ŋikaalei ŋulumesekin ŋikanikaarei ka ŋikorwa ŋikanikaarei ikwapei ŋainakineta ŋuna elemarere asecit anapukan. Abu erwosit kicik ŋisacaradotin ŋulu arae ŋiletok ka Aron akiya ŋainakineta ŋun Namuroet ŋina ke Ekapolon.

Yob 1:5

Ani elunyar ŋirwa ŋulu a ŋasuban, anyaraenene Yob ŋidwe keŋ akitaleun; taparacu sek, inak Akuj ŋainakineta ŋuna epeyo, ŋainakineta ŋuna erae ekimar a ŋidwe keŋ a daadaŋ, anerae abu Yob tema, “Acepaki aseca ŋidwe kaŋ, ecieno Akuj alotai kec.” Erae ŋun ŋuna etiyaenene Yob a ŋinakoloŋit.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 22:30

Elakuni Akuj tari ŋulu eyakatar ekaile ŋolo ka asecit; ebucunosi ikes aŋuna nyitiyator iyoŋ ŋuna aronok.”

Yob 35:8

Iteryamunit aronis kon ŋituŋa ŋuluce ŋican lopite ŋolo iryamunitor iyoŋ ka iteryamuni akiyookino kon ŋituŋa ŋuluce akitiya ŋuna iyookino.

Yob 42:9

Aŋun, apotu Elipas ŋolo arae Etemanait kaapei ka Bilidad ŋolo arae Esuit ta Sopar ŋolo arae Enaamasit toloto kitiyata ŋuna alimokini Ekapolon ikes, ido abu Ekapolon tocamu akilip a Yob.

Ŋikiru. 103:10

Nyikisicani iŋes iwon alopite a ŋolo emaikina ikisicanere iwon aŋuna a ŋasecisya yok, kori nyikicani iŋes iwon alopite a ŋolo emaikina ikisicanere iwon a ŋuna a ŋadyakanareta yok.

Awos. 18:12

Tolemik nai Yesiro Akuj ainakinet ŋina apeyo ka ŋamuronisya ŋace. Potu nai Aron ka ŋikasikou a Ŋisirael daadaŋ akimuj ka Yesiro ŋamugati, ayai Akuj kaapei ka ikes a nen

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Yer. 14:11

Okolimok nai Ekapolon ayoŋ tema, “Nyilip neni kaŋ aŋuna ka akiŋarakin ŋituŋa lu.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 45:23

Alotooma ŋirwa ŋikanikaarei ŋulu a ŋasuban, emaikina ekepukan tolemu aŋuna a Ekapolon ŋimoŋin ŋulusorok ŋikanikaarei ka ŋimeesekin ŋikanikaarei ŋulu nyeŋwalito erae ŋainakineta ŋuna epeyo. Emaikina iŋes kitiya ŋun a ŋinakoloŋit alotooma ŋirwa ŋulukanikaarei ŋul ka emaikina iŋes tolemu ekoroe a ŋinakoloŋit erae ainakinet aŋuna ka asecit.

Ekim. 23:1

Tolimok nai Balaam Balak tema, “Todukok ne aŋuna kaŋ ŋamuroeta ŋakanikaarei, ido tolemu aŋuna kaŋ ŋimoŋin ŋikanikaarei ka ŋimeesekin ŋikanikaarei.”

Ekim. 23:14

Aŋun abu Balak ya Balaam nakibois ŋina anyaritae Sopim alokidiama emoru Pisiga. Todukok Balak ŋamuroeta ŋakanikaarei nen, tosodi inak erae amuronot emoŋ epei ka emesek epei alokidiama ŋinamuroet.

Ekim. 23:29

Tolimok Balaam Balak tema, “Todukok aŋuna kaŋ ne ŋamuroeta ŋakanikaarei ka kitemok ŋimoŋin ŋikanikaarei ka ŋimeesekin ŋikanikaarei aŋuna kaŋ.”

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

2 Tim. 4:14

Abu Alekisanda ŋolo etyekan ŋasuwa kitiya ŋaronisya ŋuna alalak neni kaŋ. Etacakini Ekapolon iŋes ŋuna eriyan ka ŋuna abu iŋes kitiya.

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

Ŋibur. 7:25

Aŋun nai, epedori iŋes jik tokona ka jwi jwi aiun ŋulu daadaŋ epote neni ka Akuj itorunito neni keŋ, anerae eyari iŋes jik, ilipenene Akuj aŋuna a ŋituŋa a ŋul.

Yak. 5:14

Eyai alokidiŋ kus ŋini edyaka a? Itemokino iŋes tonyara ŋikatukok a Ŋikristo, kilipakis ka kiwosakis iŋes akimyet alokiro ke Ekapolon.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.

1 Sam. 25:35

Kijau nai Daudi aneni ka Abigail ŋiboro ŋulu ayaunit iŋes neni a Daudi. Tema Daudi neni keŋ, “Kitipeiyo tolot kai kon ke ekisil; topupok, adau ayoŋ akiirar ŋakiro kon, ido esiyookini ayoŋ ŋuna iŋita iyoŋ.”