Yob 40:10 - Ebaibul

¹⁰ “Ani kipedori ŋun, tosir tokona toiliilior kitoodiu apolou kon, kidodiu tokona atemar ipol iyoŋ nooi ka ikitopoloorito iyoŋ ŋituŋa.

Yob 40:10 Iomraidhean Croise

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Yob 39:19

“Yob, iyoŋ mono ibu inak aŋole agogoŋu keŋ a? Iyoŋ mono ibu inak iŋes esigirigir ŋolo alomosiriŋ keŋ a?

Ŋikiru. 149:4

anerae elakara Ekapolon aŋuna a ŋituŋa keŋ, itopoloori ŋulu itiditeuna make inak akiloun.

Ŋikiru. 21:5

Alotooma akilounun ŋina ibu iyoŋ inak iŋes, aruwor apolou keŋ ŋina epol nooi; iinak iyoŋ iŋes arwonu ka apolou ŋina ailiilon.

Ŋikiru. 50:2

Ecai Akuj alo Sion, alotaun a ŋolo ibus nooi.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Awos. 28:2

Kitiyau ŋilowi ŋulu ka apolou ka akibuses ŋulu enapi lokaato kon Aron.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 59:17

Abu iŋes tonap akiyookino ikwa arapet ka aiuno ikwa akopiya ŋina iuryarit akou nyewana; abu iŋes tonap ŋilowi ŋulu ka akinyaŋar, ido abu kimuko akuwan keŋ anainakina esibit ekaaso imukokina.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

1 Ŋikor. 15:54

Aŋun nai, kedau akinyasuno akilocokin toruwor ŋina nyinyasun ka ibore ŋini etwani toruwor ŋini nyetwani jik, iyookin nai Ŋakigireta ŋuna ebasi, “Adaun atwanare akinyasun; eloun, erikakin!