Yob 4:19 - Ebaibul

¹⁹ Anu nai itiyakini Akuj neni a ŋituŋa a ŋulu erae ŋalup esubunitere, a ŋituŋa a ŋulu erae apuwa koŋin itiyaunitere, a ŋulu epedoryo akipudaar lopite ŋolo ipudaarere esipiran.

Yob 4:19 Iomraidhean Croise

Akisy. 18:27

Tema nabo Aburaam, “Kisyoni ca Ekapolon ayoŋ aŋuna arubakinitor erworo neni kon, orae bo ayoŋ ituŋanan koŋin.

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Akisy. 3:19

Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

Yob 10:9

Totamunite atemar ikiyeuni iyoŋ ayoŋ a ecoto, ido icamit mono iyoŋ tokona akituruwor ayoŋ ŋalup nabo a?

Yob 13:12

Erae ŋakiro kus ŋunaŋorok ŋakitadapeta koŋin, ikwaan ka ekuron, erae ŋakiro ŋuna ikitepegeta iyes ayoŋ ŋacaryo ikwaan ka apuwa.

Yob 13:28

Emunaanar ituŋanan lopite ŋolo ebosunia ibore, enyamunun ituŋanan lopite ŋolo enyamunor elou ŋolo enyamit abebe.

Yob 14:2

Euruunio ituŋanan ibus ikoni aturot, ido toiniya ikwa aturot, ekeri akiyar a ituŋanan ikwa etolim, ido nyerubakini eyari.

Yob 22:16

Aponi ikes tomunyarae eriŋa nyedolo apaki kec ŋina etwakyata, abu akalele kitoŋopiya akisyakinet kec.

Yob 25:6

etya nai ai amuumu a ituŋanan a ŋini erae ekurut koŋin aneni ka Akuj? Erae ituŋanan ekurut koŋin.”

Yob 33:6

Kiira, ikiriyan iwon daadaŋ alokiŋaren Akuj; ayoŋ daŋ akayeunio a ecoto.

Ŋikiru. 146:4

Ani etwakete ikes, eboŋorete ikes nalup, todaun akoloŋit ŋinapei ŋin ŋuna ayeto ikes akitiya.

Ŋikiru. 39:11

“Iŋenyakini ka isicani iyoŋ ŋituŋa aŋuna ka asecit kec; itadaununi iyoŋ ebari kec ikwa itodaunia esipiran akimuj, kire jik erae ituŋanan daadaŋ icaryoit, ekuwuam koŋin.

Ekal. 12:7

Eboŋorete ŋawat yok nalup ŋunapei sek alemunere, ido eboŋorete ŋitai yok neni ka Akuj a ŋina abu kiwuak ikes nawat yok.

2 Ŋikor. 4:7

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

1 Pet. 1:24

Ikwapei igiritere Nakigireta atemar, “Ikote ŋituŋa daadaŋ ŋinya, ikoni akecekibuses daadaŋ ŋatur. Einiyarete ŋinya, ido toraraun ŋatur,