Yob 39:27 - Ebaibul

²⁷ Iyoŋ mono ilimonokini ŋigolei aporor kidiama, ido toduko ŋakais kec kidiama ŋimoru a?

Yob 39:27 Iomraidhean Croise

Yob 39:26

Iyoŋ mono iinakinit atanawi aosou ŋina eporyoto alokidiama nooi a? Apedor ŋina epetaritotor ŋabebenuk kec ewosete lowae ŋolo alo Kwap a?

Yob 39:28

Eduki egole akai keŋ nagolo a ataaba ŋina eyai kidiama nooi, iboi iŋes anauni a ataaba a ŋina ecurut.

Ŋikiru. 103:5

Akainanakini iŋes ayoŋ ŋuna ajokak ŋirwa daadaŋ ŋulu ka akiyar kaŋ ikotere ayoŋ arubakini asorokana, apori ikwa eporyo egole.

Awos. 19:4

Idaut iyes akiŋolikin ŋuna abu ayoŋ etiya neni a Ŋijipitian ka epite ŋolo abunio ayoŋ okodakunia iyes ikwa edakunia egole ŋicwi keŋ a ŋabebenuk keŋ. Abu ayoŋ okoyau iyes neni kaŋ.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ŋakit. 30:19

Epite ŋolo eporyo egole alokidiama, epite ŋolo elosyo emun anataaba, epite ŋolo iyooror ameeli ananamio neni elosi ka epite ŋolo eminakinotor edya ka apese.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Ŋilep. 11:13

“‘Nyemaikina iyes tonyama ŋikeny lu; anerae erae ikes ŋulu asiilyanak: Ŋigolei, ŋataruk, ŋigolei ŋulu a ŋapooe,

Obad. 1:4

Tari daŋ kiyai iyoŋ kidiama nooi ikwa egole, ka tari daŋ kidukit iyoŋ ŋakais kon lokacer, akacakuni ayoŋ iyoŋ kwap a nen.