Yob 38:28 - Ebaibul

²⁸ “Eyakar akiru papa keŋ a? Kori ŋae auruuni ŋakopi?

Yob 38:28 Iomraidhean Croise

Akisy. 27:28

Elipi ikiinak Akuj iyoŋ akiru anakuj ŋina isikopi ŋalup ka kitojok ŋalup torata ŋuna etiitiyete, ikiinak iŋes iyoŋ ŋikinyom ŋulu alalak ka epiini ŋolo alalan.

Akisy. 27:39

Toboŋok Isaka iŋes tema, “Kiira elwaniar akibois kon analup a ŋuna ajokak a ŋuna etiitiyete ka aneni isikopiyonokini akiru ilimi.

2 Sam. 1:21

Iyes ŋimukura ŋulu a Gilboa, nyepete ŋakopi kidiama kus, kori nyilimi akiru, nyerayete ŋimanikorin ŋulu eya neni kus! Anerae neni kus emasarere nariet aupal a ekatitinyon, aupal a Saul ŋina nyeriŋa iosyo ka akimyet.

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

Yob 29:19

Ayari ayoŋ apaki ŋin asibit ekitoe ŋolo edupakinitae diyete akalele a ŋakipi ŋolo itapalalete ŋakopi ŋaten keŋ nakwaare.

Yob 36:27

Akuj iŋes ikyaanari ŋakipi kidiama, iŋes ecunanakini ŋakipi, ido toli kituruwo ŋakilimes a akiru

Yob 36:28

ŋuna edounete alokidiama, ido kilima neni a ŋituŋa erae akiru ŋina alalan nooi.

Yob 38:8

Kori ŋae agolokini ŋakipi ŋuna ka anam iwapei, apaki ŋina epiiyaunia anam ŋakipi anakook keŋ nakwap,

Ŋikiru. 147:8

Ebutanakini iŋes ŋidouwon kidiama, eyaununui akiru kwap, iturupununui ŋinya alomukura.

Ŋakit. 3:20

abu aosou ka Akuj kituruwo ŋaŋololin neni elelyaata ŋakipi ka kituruwo ŋidouwon neni eponianata ŋakipi kwap.

Yer. 10:13

Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Osea 14:5

Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Amos 4:7

Abu daŋ ayoŋ nyekeyakik iyes akiru apaki ŋina edoŋitor ŋilapyo ŋiuni bon todol apaki ŋina elemere ŋikinyom. Abu ayoŋ eyaku akiru lotaun epei, nai nyeyakik akiru lotaun ece, ayai akiru lomanikor epei nai emanikor ŋolo amam akiru, apotu ŋikinyom keŋ toiniyasi,

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Ŋikis. 33:13

Abu Moses kirwor ŋakiro nu aŋuna a ŋituŋa a ekabila a Yosepu: “Elipi kiterereŋ Ekapolon akwap kec a akiru a ŋina itemokino ka ŋakipi ŋuna eitunito alokwap

Ŋikis. 33:28

Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.