Yob 37:7 - Ebaibul

⁷ Apaki ŋin, itojoŋoe iŋes ŋituŋa akitiya kiboikinos nakais, ikotere toyenut ŋituŋa daadaŋ ŋuna itiyae Akuj.

Yob 37:7 Iomraidhean Croise

Yob 12:14

Ani kinyasu Akuj idiobore, mam ituŋanan iwuakini ibore ŋin nen nabo; ani keya Akuj idiotuŋanan mam ituŋanan elakuni.

Yob 36:24

Totamunite akitopoloorit ŋiticisyo ŋulu ka Akuj ŋiticisyo ŋulu adaut ŋituŋa akipuro eosi.

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Yob 9:7

Epedori Akuj alimokin akoloŋ nyelomu, ido nyelomuni; epedori Akuj akipucar ŋikacer.

Ŋikiru. 109:27

Kimyek ŋimoe kaŋ toyenut atemar erae apedor kon etiyakinotor ŋun, ka erae iyoŋ okoe Ekapolon itiya ŋun.

Ŋikiru. 111:2

Erae ŋiticisyo ŋulu ke Ekapolon ŋulu ka aumokin, ecamito ŋituŋa daadaŋ ŋulu elakara aŋuna a ŋiticisyo a ŋul ayenun ikes.

Ŋikiru. 46:8

Potu, kiŋolikisi ŋiticisyo ŋulu ke Ekapolon; kiŋolikisi ŋakiro ŋuna ka aumokin ŋuna etiyak iŋes nakwap.

Ŋikiru. 64:9

Emini akuryanu lotuŋa daadaŋ; elimorete ŋituŋa ŋakiro ŋuna etiya Akuj, ido totamatamata ŋuna etiya Akuj.

Ŋikiru. 92:4

anerae ikitalakarit iyoŋ ayoŋ a ŋiticisyo kon, okoe Ekapolon; aeo ayoŋ alelyani aŋuna a ŋiticisyo a ŋulu itiya iyoŋ.

Ekal. 8:17

abu ayoŋ a ŋinapaki oyenu atemar Akuj iŋes adau atubun atemar nyemaikina ŋituŋa toyenut ŋuna itiyasi anakwap a na. Tari daŋ kikatakis ŋituŋa akitiya ka agogoŋu ayenun ŋuna itiyasi, nyepedorete ayenun. Tari daŋ kebasi ŋikaosok ikiyeni ŋuna itiyasi, nyepedorito ayenun.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.