Yob 37:5 - Ebaibul

⁵ Ani elimuni Akuj ŋakiro, itiyanakin ŋakiro ŋuna ka aumokin, itiyaenene Akuj ŋakiro ŋuna nyikipedori iwon ayenun.

Yob 37:5 Iomraidhean Croise

Yob 11:7

“Ipedori mono iyoŋ aripirip ŋakiro ka Akuj ŋuna ipiyorito ŋituŋa daadaŋ a? Ipedori iyoŋ ayenun ŋakiro a ŋina etiron ŋuna nyepedorit aosou a ituŋanan akidol a?

Yob 26:14

Erae ŋun ŋakitoodikineta ŋadi ŋuna a ŋakiro a ŋuna etiya Akuj, ekudyoko ŋakiro ŋuna ajipar iwon ŋuna irworo Akuj. Ŋae epedori kire ayenun agiro ŋina ka apedor ka Akuj?”

Yob 36:26

Kire jik, erae Akuj ŋina epol nooi, ido nyikiyeni iwon iŋes, emam ŋini epedori akimarun ŋikaru ŋulu ka Akuj.

Yob 37:14

“Okoe Yob, kiira nu, torubak ililiŋi, ido totamatama ŋuna ka aumokin ŋuna etiya Akuj.

Yob 37:16

Iyeni iyoŋ ikwa iyooliyotor ŋidouwon alokidiama a? Iyeni iyoŋ ŋiticisyo ŋulu ka aumokin ŋulu a ŋina iyookino aosou keŋ a?

Yob 37:2

Topupokisi epite ŋolo egiror akiru anapedor ka Akuj, topupokisi akikilya ŋina ebunit aneni ka Akuj.

Yob 37:4

Ani elunyar akimilyaunet, togirok nai akiru anapedor ka Akuj, egirokine ŋolo ailiilon, ido nyitojoŋoe Akuj akimilya apaki ŋina epupere agiro keŋ.

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Yob 5:9

Itiyae Akuj ŋakiro ŋuna ka aumokin ŋuna nyepedoryo iwon ayenun, itiyae iŋes ŋuna ka aumokin ŋuna nyimarunun.

Yob 9:10

Akuj itiyae ŋiticisyo ŋulu apolok nooi ŋulu emam ituŋanan epedori ayenun, Akuj itiyae ŋiboro ŋulu ajokak nooi ŋulu emam ituŋanan epedori akimarun.

Ŋikiru. 18:14

Abu iŋes kiyaku akimilya keŋ, kiela ŋimoe, abu kirita ikes a akimilya.

Ŋikiru. 29:3

Epupo etoil ke Ekapolon ananamyo, ikilya irworo Akuj ŋina ka apedor, ipukat Ekapolon anam ŋina apolon nooi.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Isa. 40:28

Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!