Yob 37:23 - Ebaibul

²³ Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 37:23 Iomraidhean Croise

Yob 11:7

“Ipedori mono iyoŋ aripirip ŋakiro ka Akuj ŋuna ipiyorito ŋituŋa daadaŋ a? Ipedori iyoŋ ayenun ŋakiro a ŋina etiron ŋuna nyepedorit aosou a ituŋanan akidol a?

Yob 11:8

Epol aosou ka Akuj iloit tari aoyau alokwap tari kidiama, nyo nai ipedori iyoŋ akitiyakin? Epol aosou ka Akuj iloit tari acukulul a akibois a ŋikatwak, nyo ipedori iyoŋ ayenun?

Yob 12:13

“Akuj eyakar aosou ka agogoŋ, eyakar iŋes ŋuna eŋarakinak alokiŋaren ka ayenut.

Yob 25:2

“Erae Akuj ŋina eyakar apedor ka erae ŋina ikisiili iŋolikini, iwuakinit iŋes ekisil nakuj neni ipukator iŋes.

Yob 26:14

Erae ŋun ŋakitoodikineta ŋadi ŋuna a ŋakiro a ŋuna etiya Akuj, ekudyoko ŋakiro ŋuna ajipar iwon ŋuna irworo Akuj. Ŋae epedori kire ayenun agiro ŋina ka apedor ka Akuj?”

Yob 36:26

Kire jik, erae Akuj ŋina epol nooi, ido nyikiyeni iwon iŋes, emam ŋini epedori akimarun ŋikaru ŋulu ka Akuj.

Yob 36:3

Alimuni ayoŋ aosou ace ŋina ayaunit a iwace aneni alwanan, ido etoodiuni akiyookino ŋina a akasubunan kaŋ.

Yob 36:5

“Kire jik, erae Akuj ŋina etiron ka nyejamuwarit ituŋanan idio; erae agogoŋu keŋ ŋina ka ayenut ŋina etiron.

Yob 37:19

Kitatamae isua ŋakiro ŋuna elimokinio Akuj, nyikipedori isua atubun ŋuna elimunio, anerae emam ŋuna eyenio isua.

Yob 37:22

Ebunit Akuj alo Kuju, emilimili ikwa egolid, eyai nawaetin ka Akuj ailiil ŋina ikitubuli.

Yob 8:3

Iloconokini mono Akuj ŋakiro ŋuna iyookino a? Kori iloconokini mono Akuj ŋina etiron akitiya ŋuna iyookino a?

Yob 9:19

Ani katema ayoŋ akisinda ka Akuj anagogoŋu kaŋ, iŋes eruwor ŋina egogoŋ; ani kerae aŋuna ka akiyookino, ŋae akanyarakini ayoŋ Akuj?

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 62:11

Adau Akuj alimun akirot apei bon, adau ayoŋ akiirar ŋakiro nu ŋaarei: Neni ka Akuj eyai apedor,

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 65:6

anapedor kon, ibu iyoŋ tosub ŋimoru eyai agogoŋu neni kon.

Ŋikiru. 66:3

Temasi neni ka Akuj, “Eumokinito nooi ŋituŋa ŋakiro ŋuna itiya iyoŋ! Aŋuna ka apedor kon a ŋina apolon nooi, etiditeunosi ŋimoe kon, aryediko alokiŋaren kon.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Ekal. 7:24

Alipite epedorya ituŋanan ayenun ibore ŋini erae akiyar. Erae akiyar ibore ŋini iduloro ŋini nyepatana aŋuna yok, erae ibore ŋini egogoŋ nooi ŋini nyepatana iwon ayenun.

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Esek. 18:23

Alimu Ekapolon Akuj ŋakiro nu atemar, alakara mono ayoŋ aŋuna ka atwanare a ituŋanan a ŋini itiyae aronis a? Mam, emaikina ayoŋ eŋolik iŋes ekii asecit keŋ, toyar.

Esek. 18:32

Nyalakara ayoŋ aŋuna ka atwanare a ituŋanan a idio. Tokiwa ikotere toyara.”

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Luk. 10:22

“Akainaki ayoŋ Papa kaŋ ŋiboro daadaŋ. Emam ituŋanan ŋini eyeni atemar Lokoku iŋes iŋae, mati Papa; nabo emam ŋini eyeni atemar Papa iŋes iŋae, mati Lokoku ka ŋulu daadaŋ ecamit Lokoku akiteyenun Papa keŋ neni kec.”

Ŋirom. 11:33

Okoe, kelalaar nooi ebari ŋolo ka Akuj, epol nooi aosou ka ayenut keŋ! Ŋae epedori akitacaun ŋuna etubununui iŋes? Ŋae epedori ayenun ŋakiro ŋuna itiyae iŋes.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 12:10

Apotu atapapa yok ikisican iwon apaki ŋina euruwuana alopite a ŋolo ayenete ikes, nai ikisicani Akuj iwon aŋuna ka akiŋarakin iwon, ikotere kikwaanikinos ŋipitesyo yok ka ŋulu keŋ.