Yob 37:22 - Ebaibul

²² Ebunit Akuj alo Kuju, emilimili ikwa egolid, eyai nawaetin ka Akuj ailiil ŋina ikitubuli.

Yob 37:22 Iomraidhean Croise

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Yob 37:21

Kiira tokona, mam ituŋanan epedori akitere akica apaki ŋina ecaya nooi alokidiama apaki ŋina ekutaritor ekuwuam ŋidouwon.

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 40:10

“Ani kipedori ŋun, tosir tokona toiliilior kitoodiu apolou kon, kidodiu tokona atemar ipol iyoŋ nooi ka ikitopoloorito iyoŋ ŋituŋa.

Ŋikiru. 104:1

Okoe etau kaŋ, kipur Ekapolon. Okoe Ekapolon Akuj kaŋ, irae iyoŋ Akuj ŋina iyakar apolou ŋina iloit daadaŋ. Iyakar iyoŋ akibuses ka apolou ŋina ailiilon.

Ŋikiru. 145:5

Atamatamae ayoŋ akibuses ŋina ka apolou kon a ŋina ailiilon, ido atamatamae ayoŋ ŋuna a ŋiticisyo kon a ŋulu ka aumokin.

Ŋikiru. 29:4

Ikilya nooi etoil ŋolo ke Ekapolon; eyai apedor ŋina ailiilon lotoil ke Ekapolon.

Ŋikiru. 66:5

Potu toyenutu ŋakiro ŋuna etiya Akuj; eumokina nooi ŋakiro ŋuna etiyae iŋes aŋuna a ŋituŋa.

Ŋikiru. 68:35

Okoe Akuj, irae iyoŋ ŋina ailiilon anakibois kon a ŋina asegan; Akuj a Isirael einanakini Akuj apedor ka agogoŋu lotuŋa keŋ. Toyai akipuro neni ka Akuj!

Ŋikiru. 76:12

Einanakini Akuj ŋikepukak ŋulu eturok aruwor ŋulu ecaryooko; ekerito iŋes ŋirwosi ŋulu ka akwap.

Ŋikiru. 89:8

Okoe Ekapolon, Akuj ŋina a ŋajoresyo, ŋae eyakar apedor ikwa iyoŋ okoe Ekapolon? Irae iyoŋ Akuj ŋina ikinyoma ŋapakio daadaŋ.

Ŋikiru. 93:1

Erae Ekapolon Erwosit, eyakar iŋes apolou ŋina ailiilon ka eyakar iŋes agogoŋu. Ewuak Akuj akwap; emam ŋini isiyotokini akwap a nen jik.

Ŋakit. 25:23

Eaununui ekuwuam ŋolo ekutuni alo Kuju akiru, nai eaununui aŋajep ŋina irworor ŋuluce anyorididi.

Isa. 2:10

Iyes ŋituŋa a Yakob, tolomasi natabab toŋopa alokwap anacukulei; toŋopa ikuryaka aŋuna a Ekapolon ka aŋuna ka apolou keŋ a ŋina ailiilon.

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Naum 1:3

Nyeŋoi Ekapolon atipei nai egogoŋ iŋes nooi, mam nyeesikini iŋes ŋikasecak nyisicana aŋuna a ŋasecisya kec. Neni daadaŋ itori iŋes, eyakaun ekuwuam ŋolo ipiripiri ka ŋolo ekusi ka agogoŋu. Erae ŋidouwon apuwa ŋina a ŋakejen keŋ.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 12:29

anerae ikwaan Akuj yok ka akim ŋina ikinyamuwari.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.