Yob 36:7 - Ebaibul

⁷ Nyejoŋoenene Akuj akitere ŋulu iyookino, nai ŋirwosi ŋulu ipukato, iturubakini ipukato jik, ido itopoloorete ŋituŋa ikes.

Yob 36:7 Iomraidhean Croise

Akisy. 23:6

“Kiira ŋakiro kosi, ekapolon kaŋ, irae iyoŋ ŋolo ikitopoloorit Akuj alokidiŋ kosi. Tonuk aberu kon nakibois ŋina iseuni iyoŋ anakiboisyo a ŋuna enukio isua ŋikatwak. Emam ipei daŋ alokilyok a lu ŋini ikiretakini iyoŋ akinuk aberu kon nen nalup keŋ ŋuna enukio ŋikatwak.”

Akisy. 41:40

Eruwor iyoŋ ipol alokai a ŋina ka apukan kaŋ, ido emaikina ŋituŋa kaŋ daadaŋ kiwuapa ŋakiro ŋuna ilimokini iyoŋ ikes. Erae ca aŋuna araakar ayoŋ ekepukan iŋes ekeloitor ayoŋ iyoŋ.”

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Esta 10:3

Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.

Yob 1:3

Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Yob 22:29

Elemanari Akuj akituro a ŋulu iturosi, ido eiununui ŋulu itiditeuna bon.

Yob 31:4

Nyite mono Akuj ŋakiro daadaŋ ŋuna etiyae ayoŋ a? Nyimarit mono Akuj ŋikilames kaŋ daadaŋ a?

Yob 4:7

“Totamak tokona, ŋae idiotuŋanan ŋini eyookino ŋini abu totwan? Kori ŋinapei wori amunyarere ŋulu iyookino?

Yob 42:12

Abu nai Ekapolon kiterereŋ Yob alorwa keŋ a ŋulu esidyok akilo ŋulu a ekiŋaren; abu Yob toyakaunor ŋamesekin ŋalipyo ŋatomon ka ŋaomwon, ŋikaala ŋalipyo ŋakanikapei, ŋimoŋin ŋalipyo ŋaarei ka ŋisigirya aliput.

Yob 5:11

itopoloonori iŋes ŋulu itiditeuna bon, einanakini alelyanu neni a ŋulu igworosi.

Ŋikiru. 33:16

Emam erwosit eiun aŋuna elalaketa ŋasigarya keŋ; emam ekajion elakun aŋuna ka agogoŋu keŋ.

Ŋikiru. 33:18

Kire jik, ite Ekapolon ŋulu itopoloorito iŋes, ite Ekapolon ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Ŋikiru. 34:16

Eremokino Ekapolon ŋulu itiyaete ŋuna aronok; ecamit alemar ikes anakwap, tojoŋoi atamunit.

Ŋikiru. 41:12

Ikiŋarakinit iyoŋ ayoŋ aŋuna ka akiyookino kaŋ, ikiwuakinit iyoŋ ayoŋ ŋikaru ŋikaru neni ilipyata ŋituŋa.

Isa. 22:23

Ewuakini ayoŋ iŋes napolou torubak eyai nen ikwa asesit, eruwor iŋes ekepukan ŋolo itopolooritae ipukat ŋiletok a papa.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

2 Ŋites. 3:3

Nai ikinyoma Ekapolon; ikitogogoŋi ka ikiyoki iŋes iyes aneni a ŋolo Aronon--Satan.

1 Pet. 3:12

Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.