Yob 36:11 - Ebaibul

¹¹ Ani kiirasi, ido kitiyanakis Akuj, irikakinete ikes ŋirwa ŋulu ka akiyar kec erae ŋulu eyakatar ebari, irikakinete ŋikaru ŋulu ka akiyar kec erae ŋulu elakara.

Yob 36:11 Iomraidhean Croise

2 Ŋakiro a ŋirwa 33:13

Kilip Manase neni ka Akuj, ido abu Akuj inak iŋes ŋuna ewarit, topupok adyekitoi keŋ, kinyaku iŋes Yerusalem ka napukan keŋ. Toyenu nai Manase atemar erae kire Ekapolon Akuj.

Yob 21:11

Icurosi ŋidwe a ŋikaronok lopite ŋolo icurotor ŋamesekin; ido idoŋaete ŋidwe a ŋikaronok anawaetin a ŋikauruunak kec.

Yob 21:13

Iboiyete ŋirwa ŋulu ka akiyar kec erae ŋulu elakara, ido totiyaaros tooma nakibois a ŋikatwak emam ŋican aryamunito.

Yob 22:21

“Yob, tocamunos ka Akuj ka kisila ka iŋes; kitiya iyoŋ ŋun, ebuni ajokis neni kon.

Yob 22:23

Ani kiboŋu iyoŋ neni ka Akuj a ŋina etiron, ani kilema iyoŋ amamukau akiyookino alore kon,

Yob 42:12

Abu nai Ekapolon kiterereŋ Yob alorwa keŋ a ŋulu esidyok akilo ŋulu a ekiŋaren; abu Yob toyakaunor ŋamesekin ŋalipyo ŋatomon ka ŋaomwon, ŋikaala ŋalipyo ŋakanikapei, ŋimoŋin ŋalipyo ŋaarei ka ŋisigirya aliput.

Ŋikiru. 119:3

ŋulu daŋ nyitiyaete ŋuna aronok, nai iboiyete iwuapito ŋakiro ke Ekapolon.

Ŋikiru. 149:4

anerae elakara Ekapolon aŋuna a ŋituŋa keŋ, itopoloori ŋulu itiditeuna make inak akiloun.

Ŋikiru. 16:11

Ikitoodik iyoŋ ayoŋ erot ŋolo elosi nakiyar; alelyani ayoŋ nooi aŋuna ikirukitor ka ayoŋ; ani iapi iyoŋ aneni kaŋ, alakara ayoŋ ŋirwa daadaŋ ŋulu ka akiyar kaŋ.

Ŋakit. 1:33

Nai ikes ŋulu ekeirarete ayoŋ, eruwor ŋulu eiuna; iboiyete eiuna emam ibore einakinit ikes akuryanu.”

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Yer. 26:13

Aŋun tokona, kilocokisi ŋipitesyo kus ka ŋiticisyo kus, ido kiwuapa ŋakiro ŋuna irworo Ekapolon Akuj kus, tosodi ebuni Ekapolon akilocokin ŋatameta keŋ, nyeyau neni kus akisicanet ŋina adau iŋes alimun aŋuna kus.

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Ŋirom. 6:17

Nai olakaros neni ka Akuj! Anerae apaki ace, ipotu iyes toruworos ŋipi ŋulu ka asecit; nai ekaku ipotu kiwuapa a ŋitai kus a daadaŋ ŋuna a kire, ŋuna eya nakitatam ŋina ipotu iyes toryamut.

Ŋikis. 4:30

Apaki ŋina iyakaunotor iyes locan, ŋina itiyakinotor ŋakiro ŋun daadaŋ neni kus alorwa a ŋulu eponito, iboŋunete iyes neni ke Ekapolon kiwuapa ŋakiro keŋ.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.

Yak. 5:5

Iboiyoto iyes anakwap alotooma ajakao ka alakara; ituma iyes, esibit itemonokinosi aŋuna ka akoloŋit a ŋina ikiŋolere.

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’