Yob 35:11 - Ebaibul

¹¹ Akuj ŋina itatami ŋituŋa akilo ŋityaŋ, ŋina eturuwo ŋituŋa ŋulu eosok akilo ŋikyeny?’

Yob 35:11 Iomraidhean Croise

Akisy. 1:26

Tema nai Akuj, “Osubutu ŋituŋa eyakatar ŋasima yok, ikikwaan ka iwon; kipukata ikes ŋityaŋ ŋulu ka anam, ŋikyeny ŋulu alokidiama, ŋibaren ka ŋityaŋ daadaŋ ŋulu ka akwap ta ibore daadaŋ ŋini elyat alokwap.”

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Yob 21:22

Eyai mono ituŋanan epedori akitatam Akuj toosyor toyeni ŋinituŋanan atemar erae Akuj etubonokini tari ŋisubuna ŋulu anakuj a?

Yob 32:8

Nai erae etau ŋolo ka Akuj ŋolo eyai neni a ituŋanan, erae ekieŋanu ŋolo ka Akuj a ŋina etiron ikiini ayenun ŋakiro.

Yob 36:22

Kiira, itopolooritae Akuj anapedor keŋ; ŋae erae eketataman keŋ?

Ŋikiru. 94:10

Nyepedori mono Akuj ŋina isicani ŋakwapin akisican ŋituŋa ŋul a? Nyeyakar mono Akuj ŋina itatami ŋituŋa aosou a?

Ŋikiru. 94:12

Okoe Ekapolon, elakara nooi ŋituŋa ŋulu idai iyoŋ, ŋulu itatami iyoŋ alotooma ŋikisila kon.

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Mat. 6:26

Kiŋolikisi ŋikyeny: nyitaete, nyelemete ka nyetukete natukito, nai Papa kus ŋolo eyai nakuj iŋes itani ikes. Nyiloito nai iyes ŋikyeny a?