Yob 34:31 - Ebaibul

³¹ “Eyai mono ituŋanan idio alimoki neni ka Akuj ebe, ‘Adau ayoŋ akidaŋidaŋ akisicanio; nyaboŋokini nabo ayoŋ akitiya aronis;

Yob 34:31 Iomraidhean Croise

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Yob 34:30

Itiyae Akuj ŋun, ikotere nyipukata ŋulu eŋerito Akuj, kori ŋulu iteryamunito ŋituŋa ŋuluce ŋican.

Yob 34:32

kitatamae ayoŋ ŋuna nyayeni ayoŋ, ani ketiyat ayoŋ ŋuna ka asecit, nyaboŋokini nabo akitiya a?’

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Yer. 8:6

Abu ayoŋ opupok ŋakiro kec acamit akiirar, nai nyirworosi ikes ŋakiro ŋuna iyookino, mam ituŋanan ekii aronis keŋ tolimu tema, ‘Anukiro etiya ayoŋ?’ Elosi ŋinituŋanan a erot keŋ lopite ŋolo eemya aŋole lojie.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Ekim. 22:34

Tosodi Balaam toboŋok emalaika ŋolo ke Ekapolon tema, “Asec ayoŋ, anerae pa ayeni ayoŋ atemar iwoi iyoŋ alorot iŋerit ŋuna alosyo ayoŋ. Aŋun tokona, ani pa kikitalakarito iyoŋ ŋakiro a alosit kaŋ, aboŋori ayoŋ lore.”