Yob 34:20 - Ebaibul

²⁰ Epedorete ŋikabarak ka ŋikulyakanotin atwakare atipei, epedoryo ŋituŋa akitamaranikin nakwaare, ido totwaka, epedori Akuj alemar ŋikadedeŋak pa itijikinit.

Yob 34:20 Iomraidhean Croise

Yob 12:19

Elemanari iŋes ŋisacaradotin anapolou a ŋina erikitotor ŋituŋa anakilip, elemanari iŋes ŋikagogoŋok tojoŋoto araakau ŋikepukak.

Yob 27:20

Ikamununui ekabule ikes lopite ŋolo iyesunor akalele, ani nakwaare kitoŋopiyasi ŋiryenyaanotin ŋikaronok daadaŋ.

Yob 34:25

Aŋuna eyenia iŋes ŋiticisyo kec, elemari iŋes ikes nakwaare kitoŋopiya jik nyetakanut.

Yob 36:20

Nyigat atemar kerae towar akwap, todaun ŋinituŋanan anakibois keŋ.

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Isa. 30:13

aŋun, ikokini asecit ŋin aneni kus akabaat ŋina eyai narwatata ŋina aoyan, akabaat ŋina enya, ŋina eapi aritaar arwatata, toritakin atipei alotooma apaki ŋina euruwuana.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Isa. 40:23

Ituruwonori iŋes ŋirwosi ŋikoŋinae, ituruwonori ŋikepukak a ŋakwapin ŋicaryo.

Dan. 2:34

Apaki ŋina iteo iyoŋ etorube ŋol, abu amoru ŋina pa ayororit ituŋanan tocakun todo nenidapal a ŋakejen keŋ aŋuna etiyaunitae a ŋasuwa ka ecoto, ido tobwaŋabwaŋaar nenidapal a ŋakejen keŋ a ŋuna.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Dan. 8:25

Alotooma epali keŋ, ituruwori iŋes amodiyo ibore ŋini erubakini elosi kiŋaren anapedor keŋ, itopoloor iŋes nooi anatameta keŋ. Emunyari iŋes ŋikalalak pa elimokinit atemar edyakarito ka itijikini iŋes tari erwosit ŋolo epol akilo ŋirwosi daadaŋ, inyasunio iŋes, nai meere ka apedor a ituŋanan.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mat. 25:6

“Nai ani enaŋi kidiŋ akuwar, kiirarae ecelet ŋolo abala, ‘Topupokisi, ekeitan lo! Potu kisiryama!’

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

1 Ŋites. 5:2

Anerae iyenete iyes ŋilopeyek ejok nooi atemar ebuni Akoloŋit ŋina ke Ekapolon ikoni neni ebunio ekokolan nakwaare.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

1 Sam. 26:10

Tema Daudi, “Ekoŋi ayoŋ alokiro a Ekapolon a ŋolo eyari atemar, eari Ekapolon iŋes, kori edoli akoloŋit ŋina etwania iŋes; kori elosi iŋes apeikoloŋit lojie toarae a nen.