Yob 34:10 - Ebaibul

¹⁰ “Aŋun, topupokinae ayoŋ, iyes ŋulu epatana ayenun ŋakiro, nyiryamasi ca Akuj ka akitiya ŋuna aronok, nyiryamasi ca Akuj ŋina etiron ka akitiya ŋuna nyiyookino,

Yob 34:10 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

2 Sam. 22:31

Ani eruwor iyoŋ Akuj, iyookino ŋuna kon; iyoonokin akiikinet ŋina a Ekapolon; erae iŋes aupal aneni a ŋulu daadaŋ eŋopete aneni keŋ,

2 Ŋakiro a ŋirwa 19:7

Tocamutu tokona akitopoloorit Ekapolon alotai kus; totamete ejok anakiro a ŋuna itiyaete iyes, anerae aneni ke Ekapolon Akuj yok, emam amodyanakin kori, ariit neni a ŋice, kori ŋakaluŋuluŋui.”

Yob 34:12

Ŋulu itiyaete ŋuna a kire, nyitiyae Akuj ŋuna aronok neni kec, nyeŋeri Akuj ŋina etiron akitiya ŋuna ka akiyookino.

Yob 34:34

Ŋinituŋanan eyakar aosou akalimokini ayoŋ ka ŋinituŋanan ŋini eos ŋini epupi ŋakiro kaŋ etemari,

Yob 36:23

Ŋae itamanakini iŋes ŋuna emaikina kiwuap, kori ŋae epedori alimun ebe, ‘Itiya iyoŋ ŋuna nyiyookino’?

Yob 37:23

Erae Akuj ŋina etiron, nyepedoryo iwon aapikin iŋes, epol apedor keŋ ka akiyookino keŋ, ido anakiyookino a ituŋanan a ŋina apolon, nyisicani Akuj iŋes.

Yob 8:3

Iloconokini mono Akuj ŋakiro ŋuna iyookino a? Kori iloconokini mono Akuj ŋina etiron akitiya ŋuna iyookino a?

Ŋikiru. 145:17

Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 92:15

itoodiunito ŋun atemar iyookino Ekapolon ka atemar erae iŋes ekaiunan kaŋ, iyookino iŋes aneni kaŋ.

Ŋakit. 15:32

Ituŋanan ŋini nyiiranari ŋakiro ŋuna elimonokinio iŋes atemar toesik, ejamuwara bon, nai ituŋanan ŋini eesyanakini ŋakiro ŋuna elimokinio iŋes atemar toesik, eryamuni ayenut.

Ŋakit. 6:32

Ebaŋaana ituŋanan ŋini elosi akilom aberu a ŋinice, ituŋanan ŋini itiyae ŋun, eaunit atwanare nakuwan keŋ.

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Sepan. 3:5

Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Ŋirom. 9:14

Ikitemari nai tokona iwon ai? Ikitemari erae Akuj ŋina nyetubi ŋakiro iyookino a? Mam jik!

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Yak. 1:13

Ani kitemi ituŋanan a ŋakitemyeta, nyitemokino elimuni tema, “Akuj iŋes eketemit”; anerae nyepedorete ŋuna aronok akitem Akuj, nabo daŋ nyitemenene Akuj idiotuŋanan.