Yob 32:9 - Ebaibul

⁹ Meere ŋikasikou eosok, kori meere ŋulu elalak ŋikaru eyenete ŋuna iyookino.

Yob 32:9 Iomraidhean Croise

2 Sam. 3:38

Kiŋit nai erwosit ŋiketiyak keŋ tema, “Nyiyenete iyes atemar atwana nakoloŋit na ekarikon ekile ŋolo ajion alo Isirael a?

Yob 12:20

Isililiŋi Akuj ŋulu ikinyomitae anakirworo, elemanari aneni ŋikasikou aosou ŋina eyeniata ŋuna ajokak ka ŋuna aronok.

Yob 32:10

Aŋun, abala ayoŋ, ‘Topupokisi ŋakiro kaŋ; kimyekinae olimu ayoŋ daŋ ŋuna eya lotau kaŋ.’

Yob 32:7

Abu ayoŋ otamak alotau kaŋ bon ebe, ‘Emyekini ŋikasikou kirworo, emyekini ŋulu elalak ŋikaru kec akitatam ŋuna ka aosou.’

Yob 4:21

Elemario ibore daadaŋ ŋini sek eyarikinito ikes, ido totwaka ikes pa eyenete aosou ŋina ebunit aneni ka Akuj.’ ”

Ŋikiru. 119:100

Ayakar ayoŋ apiiryanut ŋina iloit ŋina a ŋikasikou, anerae ewuapit ayoŋ ŋakiciketa kon.

Ŋikiru. 119:104

Aryamunit ayoŋ apiiryanut anakiciketa kon; aŋun, aŋerit ayoŋ ŋipitesyo ŋulu aronok daadaŋ.

Ekal. 4:13

Esorokit ŋolo ekulyakana nai toos, iloit erwosit ŋolo erae ekasikout nai tobaŋaana, ŋolo nyecamuni jik ŋuna ajokak ŋuna elimokinete iŋes ŋituŋa ŋuluce.

Yer. 5:5

Emaikina ayoŋ olot neni a ŋikabarak erwor neni kec, kire eyenete ikes acamit ŋina ke Ekapolon, eyenete ikes ŋikisila a Akuj kec.” Nai aŋero ikes daadaŋ apolou a Ekapolon, awout akiwuap ŋakiro keŋ.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Yoa. 7:48

Iŋolikis iyes edio alokarikok kori aloparisayon enupi iŋes a?