Yob 32:3 - Ebaibul

³ Aŋoit daŋ iŋes aŋuna a ŋikonei a Yob a ŋuluuni, anerae apotu ikes nyiyookis ŋakiro ŋuna aboŋonokinete ikes Yob, tari daŋ ŋina alimunitotor ikes atemar edyakarit Yob.

Yob 32:3 Iomraidhean Croise

Yob 15:34

Erae atukot a ŋituŋa a ŋulu nyikinyomito Akuj ŋina ikwaan ka ibore ŋini ekolupana, enomiyari akim ŋakais kec ŋuna apotu ikes toduko a ŋakaluŋuluŋui.

Yob 24:25

Ani pa kikote ŋakiro neni, ŋae elimuni atemar erae ŋakiro ŋuna erworo ayoŋ alyokonu, ka alimun atemar emam apolou eyai nakiro ŋuna erworo ayoŋ?”

Yob 32:1

Aŋun, apotu ŋikilyok ŋuluuni ŋul tojoŋoto aboŋonokin Yob ŋakiro, anerae arae Yob ituŋanan ŋini eyookino anatameta keŋ.

Yob 32:2

Abu nai Eliu lokoku a Barakel a ŋolo anateker a Bus a ŋolo alokal a Ram toŋo. Abu iŋes toŋoik Yob, anerae abu kitogogoŋ erwor itojoka iŋes bon akilo tari akitojokit Akuj.

Yob 32:4

Sek ekiŋaren, eliliŋi Eliu, edarit akisirworikin Yob, anerae adit iŋes aneni a ŋikonei a Yob.

Yob 42:7

Kedau Ekapolon akirwor ŋakiro ŋun neni a Yob, tema Ekapolon neni a Elipas a Etemanait, “Anyunyura ayoŋ neni kon ka neni a ŋikonei kon Bilidad ka Sopar, anerae nyirworo iyes aŋuna kaŋ ŋuna iyookino, lopite ŋolo erworitor Yob eketiyan kaŋ.

Yob 8:6

Ani kirae iyoŋ ituŋanan ŋini iyookino ka ŋini itiyae ŋuna iyookino, kire jik, ebuni iŋes akiŋarakin iyoŋ, ido ikinyakak iyoŋ ŋituŋa a ekal kon ka ebari kon ŋolo pei sek iyakar ekiŋaren.

Ŋitic. 24:13

Nyepedorete ikes tari akitoodiun ibore ŋini ekesitakinitotor ayoŋ tokona.

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.