Yob 32:13 - Ebaibul

¹³ Aŋun, nyemaikina iyes temasi, ‘Ikiryamu isua aosou; emaikina Akuj kilou Yob meere ituŋanan.’

Yob 32:13 Iomraidhean Croise

Akisy. 14:23

atemar nyayai ayoŋ tari eusi, kori arukan ŋina ka amukat, kori ibore daadaŋ ŋini erae ŋini kon, ikotere acepaki nyitema iyoŋ, ‘Etabar ayoŋ Aburam.’

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Yob 12:2

“Kire, iyes ŋituŋa ŋulu iworosi aŋuna a ŋituŋa a ŋuluce, ido itwanikinete iyes naosou.

Yob 19:21

Okoe ŋikonei kaŋ, kisyoni ayoŋ, kisyoni ayoŋ, anerae ekesican Akuj ayoŋ anapedor keŋ!

Yob 19:6

toyenutu atemar Akuj ekewuak ayoŋ locan lu, iŋes akagoloki ayoŋ tooma atibae.

Yob 2:10

Nai abu Yob tema neni ka aberu keŋ, “Irworo iyoŋ abaŋao lopite ŋolo irworor aberu daadaŋ ŋina ebaŋaana. Epedoryo mono iwon aryamunun ŋuna ajokak aneni ka Akuj, ido nyeryamununuyo ŋuna aronok a?” Anakisicanet a ŋin, abu Yob nyesec alorwor keŋ.

Yob 31:40

emaikina toruput ŋikukwa alomanikor a ŋin akilo ŋaganoi, emaikina toruput ŋinya alomanikor a ŋol akilo ŋikinyom ŋulu ikwaan ka erau.” Adaun ŋakiro a Yob.

Yob 32:12

Abu ayoŋ opupok ejok ŋuna irworosi iyes, nai kire, mam ipei daŋ ŋini abu kitocamu Yob ŋakiro, mam ipei daŋ alokidiŋ kus ŋini abu toboŋok ejok ŋakiro ŋuna erworo Yob.

Yob 32:14

Emam nyirworo Yob ŋakiro keŋ neni kaŋ, ido nyaboŋokini ayoŋ ŋakiro keŋ alopite a ŋolo iboŋokinito iyes.

Yob 4:9

Itoŋopiyari Akuj ŋikaronok a ekuwuam keŋ ka emunyari ikes anaryenyeo a ŋina ka aŋoit keŋ.

Yob 6:4

Eketeryamu Akuj ayoŋ aryeba ikwa ituŋanan ŋini egumitae a ŋikaleŋeleŋe, ido elelebun nakiyar kaŋ akisorit ŋina aaran, eketubul ayoŋ Akuj aŋuna a ŋican a ŋulu alalak a ŋulu ekeyakik iŋes ayoŋ.

Isa. 48:5

Abu ayoŋ okolimok iyes ŋakiro ŋun koloŋ sek, abu ayoŋ eserau ŋakiro ŋun neni kus eriŋa nyitiyakina, ikotere nai iyes nyitemasi, ‘Erae etorube a akuj kaŋ etiyakini ŋakiro ŋun, erae etorube ŋolo ecieunit ayoŋ a akitoe ka ŋolo etiyaunit ayoŋ a asuwat ikes etiyakis ŋakiro ŋun.’

Isa. 48:7

Esyakis ŋakiro ŋun tokona, pa esyakinete koloŋ sek eriŋa nyedoluno akoloŋit na, pa iirarito iyes ŋakiro nu, aŋun, pa ipedorito iyes alimun ebe, ‘Aris ayoŋ kayenu ŋakiro nu.’

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Yer. 9:23

“Alimu Ekapolon atemar, nyicamakis ŋikaosok iturotor aosou kec, nyicamakis ŋikagogoŋ iturotor agogoŋu kec, ka nyicamakis ŋulu ebarito iturotor abaru kec,

Esek. 28:3

Kire jik, ioso iyoŋ akilo Daniel; mam ŋakiro ikimunonitae iyoŋ;

Sakar 12:7

“Ayoŋ Ekapolon ainakini akiloun neni a ŋasigarya a Yudaya mono, ikotere apolou ŋina eryamunete ŋipapae a Daudi ka ŋituŋa a Yerusalem nyeruwor ŋina iloit ŋina a ŋituŋa a Yudaya a ŋuluce.

Yoa. 19:11

Toboŋok Yesu tema, “Kemam iyoŋ apedor aneni kaŋ, kerae nyikiinakinit Akuj. Aŋun, ituŋanan ŋini ekepotokini ayoŋ neni kon, iŋes eyakar asecit ŋina epol akilo ŋina kon.”

1 Ŋikor. 3:18

Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire.

Ŋikat. 7:2

Tolimok Ekapolon Gideon tema, “Elalak nooi aneni kaŋ ŋikilyok ŋulu irukitotor iyoŋ aŋuna ka akilounia Ŋimidian. Epedorete Ŋisirael akiturokin temasi, ‘Agogoŋu kosi iŋes ikilakuni isua.’