Yob 31:9 - Ebaibul

⁹ “Ani kilopiyarit aberu etau kaŋ ka ani kadapit ayoŋ aberu a ekidunyet kaŋ alokek keŋ acamit akirat,

Yob 31:9 Iomraidhean Croise

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

Neem. 13:26

Pa mono abu Solomon erwosit a Isirael tosec aŋuna a ŋaberu a ŋunagelae a? Anakwapin a ŋuna alalak, amam erwosit ŋolo ekwaan ka iŋes, ido amina Akuj keŋ iŋes, kituruwo Akuj iŋes erwosit, kipuka Ŋisirael daadaŋ, kikote neni daŋ, apotu ŋaberu ŋunagelae kiteseca iŋes daŋ.

Yob 31:1

“Adau ayoŋ akikoŋ atemar nyeŋolikini idiobore okonira, alipite nai apedorya ayoŋ akiŋolikin apese ŋina nyiryamakina ke ekile?

Ŋakit. 22:14

Erae ŋakiro a aberu a ŋina emalaana akipany ŋina ecukul nooi, ituŋanan daadaŋ ŋini elomari nanyunyura ŋina a Ekapolon elomari nakiro a aberu a ŋin.

Ŋakit. 6:25

Nyicamu etau kon etemari ibus akaloman ŋin, nyicamu akibuses a ŋakiir keŋ ikisupari iyoŋ.

Ŋakit. 6:27

Epedori mono ituŋanan akiwuakin akim namuroi keŋ, ido nyenom akim ŋin ŋilowi keŋ a?

Ŋakit. 7:21

Abu nai aberu ŋin kimaimaa esorokit ŋol a ŋakiro keŋ a ŋuna abobok a ŋun, kisupa iŋes a erwor keŋ a ŋolo abobon a ŋol.

Ekal. 7:26

Abu ayoŋ oryamu ibore ŋini erono nooi akilo atwanare, iŋes aberu ŋina erae aloketait ŋina erae etau keŋ ŋaunoi ta ŋatibae, aberu ŋina erae ŋakan keŋ ŋiriko. Ituŋanan ŋini elakara Akuj aŋuna keŋ, iŋes bon epedori abucar anaberu a ŋin, nai epedori aberu ŋin amodiun neni keŋ ituŋanan ŋini erae ikasecan.

Yer. 5:8

Apotu ikes kitiyata ikwa ŋaŋolei ŋuna itanitae ejok, abu ŋinituŋanan torubak irworo aŋuna aberu a ekidunyet keŋ.

Osea 7:4

Erae ikes daadaŋ ŋulu emalaaka, ikwaan ikes ka ekeno ŋolo amwanan nooi, ŋolo nyemisit ekepon ŋamugati akikunyakin akim, ameun anapaki a ŋina emunaunia iŋes ŋakirya akitodol ŋina ebuunioto ŋakirya.

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Ŋikis. 5:21

“Kori nyiŋobel ŋinituŋanan aberu a ekidunyet keŋ. “Kori nyiburak akai a ikidunyet keŋ, kori nyiŋobel akai a ikidunyet keŋ, kori emanikor keŋ, kori epito keŋ, kori apito keŋ, kori emoŋ keŋ, kori esigirya keŋ, kori ibore ca daadaŋ ŋini erae ŋini a ikidunyet keŋ.”

Ŋikat. 16:5

Toloto ŋikapolok a Ŋipilistin neni a Delila tolimokis iŋes temasi, “Tomodik ekile kon, toyenu ibore ŋini einakinit iŋes agogoŋu ŋina apolon nooi, toyenu daŋ epite ŋolo ilounere isua iŋes, ikotere ikipedori isua akien iŋes, ido kilounae iŋes. tosodi ikiinakinio isua iyoŋ ŋisilipae aliput ka amiat a ŋinituŋanan.”