Yob 31:4 - Ebaibul

⁴ Nyite mono Akuj ŋakiro daadaŋ ŋuna etiyae ayoŋ a? Nyimarit mono Akuj ŋikilames kaŋ daadaŋ a?

Yob 31:4 Iomraidhean Croise

Akisy. 16:13

Tolimok Agar ekiro ke Ekapolon a ŋolo erworo neni keŋ tema, “Irae iyoŋ Eliroi.” anerae abu Agar tema, “Eŋolik kire ayoŋ Ekapolon ka arubak ayari kadau akiŋolikin iŋes a?”

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Yob 11:11

Eyeni Akuj ŋituŋa ŋulu ecaryooko, ani iŋolikini Akuj ituŋanan itiyae ŋuna ka asecit, nyirici mono iŋes ŋun a?

Yob 14:16

Ekaku ikiyoki nai iyoŋ ayoŋ, nyimitakini iyoŋ ŋasecisya kaŋ.

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Yob 24:23

Einanakini Akuj ikes akiboi emam ŋace, ido iŋarakinitae ikes; nai ite Akuj ŋuna itiyaete ikes.

Yob 28:24

anerae ite Akuj ŋiwaetin ŋulu ka akwap daadaŋ, ite iŋes ibore daadaŋ ŋini eyai kwap kidiama.

Yob 31:37

keteyenik ayoŋ ŋini iirari ŋakiro kaŋ daadaŋ ŋuna ka akiyar kaŋ, kawo ayoŋ aloŋaren keŋ ikwa ekarikon.

Yob 34:21

Ite Akuj ŋakiro daadaŋ ŋuna itiyaete ŋituŋa ka ite neni daadaŋ elosete ikes.

Yob 36:7

Nyejoŋoenene Akuj akitere ŋulu iyookino, nai ŋirwosi ŋulu ipukato, iturubakini ipukato jik, ido itopoloorete ŋituŋa ikes.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋakit. 15:3

Ite Ekapolon ŋuna itiyao a ŋinakibois a daadaŋ, ite Ekapolon ŋuna itiyao iwon, kerae ŋuna aronok, kori ŋuna ajokak.

Ŋakit. 5:21

Ite Ekapolon ŋakiro daadaŋ ŋuna itiyaete ŋituŋa, neni daadaŋ itorete ikes, eripiripi Ekapolon.

Yer. 16:17

anerae ete ayoŋ daadaŋ ŋuna iwuapito ikes; nyeŋopito ikes aneni ayai ayoŋ, ŋiticisyo kec daŋ ŋulu aronok nyililiŋiyaritae, ayeni ayoŋ.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Yoa. 1:48

Kiŋit Nasaniel Yesu tema, “Ikiyenuni iyoŋ ayoŋ ikwaani?” Toboŋok Yesu iŋes tema, “Eriŋa tari Pilipo nyenyarauna iyoŋ, aris ayoŋ kakaanyuwa iyoŋ alokwap ebobore.”

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.