Yob 31:35 - Ebaibul

³⁵ “Okoe, kerae ca oyakar ayoŋ ipei ŋini iirari ŋakiro kaŋ! (Erae nu ŋakiro ŋuna alimu ayoŋ etogogoŋit, emaikina Akuj ŋina etiron okoboŋok ayoŋ.) Okoe kerae ca kigiritetei ŋakiro ŋuna ekesiitakinitor ayoŋ emoit kaŋ.

Yob 31:35 Iomraidhean Croise

Yob 13:17

Topupokisi ejok ŋakiro kaŋ, kiirasi ejok ŋuna alosi ayoŋ alimokin iyes.

Yob 13:24

Kaanukiro iwuitor iyoŋ ereet kon ka ikimaritor ayoŋ arae emoit kon?

Yob 13:3

Nai apedori ayoŋ akirwor neni ka Akuj a ŋina etiron, acamit ayoŋ akirwor ŋakiro kaŋ neni ka Akuj, etoodik iŋes atemar mam ŋakiro ŋuna aronok ŋuna etiyat ayoŋ.

Yob 17:3

“Okoe Akuj, toruwor ekalakunan ayoŋ anakitac ibore idio ŋini alakunor ayoŋ; ŋae ituŋanan ice epedori akitac ibore idio aŋuna ka alakun ayoŋ?

Yob 19:11

Etirirau Akuj anyunyura keŋ aneni kaŋ aŋuna akaremokinor ayoŋ, ekemarak iŋes ayoŋ arae emoit keŋ.

Yob 19:7

Tari kegwor ayoŋ eoroe abala, ‘Toiunae!’ Mam ŋini ebuni aiun; tari kanyaraanar ayoŋ acela, mam ŋini itiyae ŋuna iyookino aŋuna kaŋ.

Yob 27:7

“Elipi kikwaanikin ŋimoe kaŋ ka ŋikaronok, elipi kikwaanikin ŋulu akaremokino ayoŋ ka ŋulu nyiyookino;

Yob 30:20

Egworo ayoŋ neni kon Akuj, ido emam iyoŋ aboŋokin akigworo kaŋ, awoi ayoŋ alokiŋaren kon, ido ikite iyoŋ ayoŋ pa icamit akiŋarakin.

Yob 30:24

Kire, emam ituŋanan eremokino ŋulu eyakatar akiitanit, ani apaki ŋina eyakatar ikes locan, ikalounete aŋuna ka akiŋarakino.

Yob 30:28

Erimit ayoŋ pa ayeni ŋuna itiyakin neni kaŋ, ido emam ŋini ekesirworiuni, ani awoi ayoŋ aneni ecunanakin ŋituŋa, egoronokini ikes ekegarakis ayoŋ.

Yob 31:36

kire jik, kanap ayoŋ ŋakiro ŋun aloseket kaŋ; kewuaak ayoŋ nakou kaŋ onap esibit ebokot;

Yob 33:6

Kiira, ikiriyan iwon daadaŋ alokiŋaren Akuj; ayoŋ daŋ akayeunio a ecoto.

Yob 35:14

Etya nai ai Yob epite ŋolo nyiirarya Akuj ŋakiro kon erae kirworo iyoŋ ebe, ‘Nyete ayoŋ Akuj, eyakasi ŋakiro kaŋ kiŋaren keŋ ka edarit ayoŋ iŋes eketuruwo ayoŋ ŋolo eyookino.’

Yob 40:2

“Ijoŋoe tokona iyoŋ akitepeg ayoŋ Akuj ŋina etiron a? Ituŋanan daadaŋ ŋini itepegi Akuj, emaikina toboŋok ŋakiro.”

Ŋikiru. 26:1

Okoe Ekapolon, tolimu atemar nyasecit ayoŋ, anerae eboi ayoŋ emam ŋuna eketoronitere anakiyar kaŋ, ekinyom ayoŋ Ekapolon ŋinapei emam akiryaŋiryaŋa.

Mat. 5:25

“Kisila atipei ka ŋolo ikisitakinit iyoŋ eriŋa iyes nyedolo loikiiko, ikotere nyikipotok iŋes iyoŋ neni ke ekatubon; tosodi ekatubon ikipotok losigarya ŋulu ikijukakinete iyoŋ mabus.