Yob 31:34 - Ebaibul

³⁴ anerae akerit ayoŋ atemar nyekerworotor ŋituŋa ka abu ayoŋ okerite atemar nyakajamuwasi ŋituŋa kaŋ; aŋun, abu ayoŋ eliliŋ otakin cek, ido abu nyaloma kiŋa akai kaŋ.

Yob 31:34 Iomraidhean Croise

2 Ŋakiro a ŋirwa 32:18

Apotu ŋikapolok ka Asiriya ŋul tocelut irworosi ŋakiro ŋun a Ŋaburaniyae neni a ŋituŋa a Yerusalem a ŋulu awuasi alokidiama arwatata, acelasi ikes aŋuna acamitotor akitubul ka akitukuryaniyar ŋituŋa a Yerusalem, ikotere ikes ikamarete etaun.

Neem. 13:28

Ayai epei a ŋidwe a ŋulusapa a ŋulu a Yeoiada alokoku ka Eliasib a esacaradoti a ŋolo Apolon nooi, ŋolo arae lokamuran a Sanibalat a ŋolo alo Oron, abu ayoŋ erita iŋes aneni kaŋ.

Neem. 5:7

Kadau ayoŋ atamatam ŋakiro ŋun, abu ayoŋ esitak ŋikapolok ka ŋikepukak a ŋituŋa olimok ikes otema, “Iyatanakinete iyes ŋisiliŋa ŋice losiliŋa ŋulu idenionokinete ŋituŋa kus pei.” Abu nai ayoŋ onyarau atukot ŋina alalan toanyu epite ŋolo esubakinere ŋakiro kec,

Esta 4:11

“Eyenete ŋiketiyak a erwosit daadaŋ ka ŋituŋa akwap keŋ atemar, ani kelot ekile edio kori aberu adio toloma nalapatu ŋina eyai kidiŋ akai a erwosit pa eyaritae, eyai atubokinet epei bon a ŋun; iŋes na ebe, ‘Emaikina ŋin toarae.’ nai ani kikeu erwosit ebela keŋ ŋolo ka apolou ŋolo itiyaunitae a egolid aŋuna a ituŋanan a idio, iŋes nai nyearere ituŋanan ŋin. Mam ayoŋ alope nyenyara alosit neni a erwosit; adol tokona ŋirwa ŋatomoniuni.”

Esta 4:14

anerae ani kililiŋ iyoŋ jik apaki ŋina ikoni na, ebuni akiŋarakino ka aiuno neni a Ŋiyudayan aiwace. Nai ikimunyaryo iyoŋ ka ekal a papa kon. Ŋae eyeni? Acepaki aponi ikiinakin iyoŋ apolou aŋuna ka apaki a ŋina ikoni na.”

Yob 22:8

Erae mono akwap ŋina a ŋituŋa a ŋulu agogoŋok bon a? erae mono iŋes ŋina a ŋulu emaikina kiboiyoto alotooma keŋ a?

Yob 34:19

Ŋini nyeriito ka ŋikepukak, kori nyemina ŋikabarak akilo ŋikulyakanotin, anerae erae ikes daadaŋ ŋisubuna keŋ a?

Awos. 23:2

Kimyekisi akiwuapit ŋasepico a ŋituŋa a ŋulu ecamito akitiya aronis. Ani ilimorete iyes ŋakiro kus aloikiiko, nyimunono ŋuna iyookino, ido nyirworo alyokonu iriito ka ŋikalalak.

Awos. 32:27

Tema Moses neni kec, “Ŋakiro ŋuna irworo Ekapolon Akuj a Ŋisirael ikes nu, ‘Ŋinituŋanan alokidiŋ kus, emaikina tolemu ekileŋ keŋ kiwuak nakuraro tonap alokalokot keŋ. Tolot kitor lopukei ŋulu ka alomar daadaŋ toboŋonok ameun alowae ke epei tari ŋoloce. Emaikina ŋinituŋanan alokidiŋ kus toar lokaato keŋ, lokone keŋ ka ekidunyet keŋ.’”

Ŋakit. 29:25

Erae akuryanu emoit a ituŋanan, nai ituŋanan ŋini ikinyomit neni a Ekapolon, iuryaryo erae ŋini eiuna.

Yer. 38:16

Aŋun abu erwosit Sedekia kikoŋ anakimunono neni a Yeremia tema, “Ikwapei eyarya Ekapolon, ŋolo ikiinakinit iwon akiyar yok, nyakaari ayoŋ iyoŋ, kori nyekepotokini ayoŋ iyoŋ napedor a ŋikilyok a lu a ŋulu imanito akiyar kon.”

Yer. 38:19

Tolimok erwosit Sedekia Yeremia tema, “Akabulit ayoŋ aŋuna a Ŋiyudayan a ŋulu ariwo ka Ŋibabiloniyae, anerae acepaki ekepotokinio ayoŋ neni kec, ido epedorete ikes abolyar ayoŋ.”

Mika 7:3

Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.