Yob 31:3 - Ebaibul

³ Nyeryamununeete mono ŋituŋa ŋulu nyiyookino ŋican a? Nyeryamununeete mono ŋituŋa ŋulu itiyaete aronis akisicanio a?

Yob 31:3 Iomraidhean Croise

2 Sam. 18:10

Kebu ekile ece kiŋolik ŋuna apotu kitiyakin neni ka Abusalom, ido tema neni a Yoab, “Eŋolikinit ayoŋ Abusalom ineno alokuyon.”

Yob 18:12

Alema akoro agogoŋu kec, nyepedorito ikes akiretakin ŋican aneni kec.

Yob 20:29

Erae ŋun ŋuna eryamunete ŋikaronok aneni ka Akuj, erae ŋun aryamunet ŋina etubunit Akuj aŋuna kec.”

Yob 21:17

“Ŋarwa ŋayai eduŋeneneo akiyar a ŋikaronok? Ŋarwa ŋayai eponianiata ŋican neni kec? Ŋarwa ŋayai einanakinia Akuj ikes anaŋoit keŋ aryebo?

Yob 21:30

atemar imyenakinio ŋikaronok tari akoloŋit ŋina eponiata ŋican ka elakununuyo ŋikaronok akoloŋit ŋina ka anyunyura a?

Yob 31:23

Nai etopoloorit ayoŋ ayeni atemar ketiya ŋun ekesicani Akuj ayoŋ; ido pa kapedorit ayoŋ akitijiore ailiil keŋ.

Yob 34:22

Emam neni iryono cuc, kori auwuat ŋina iryono cuc, neni epedoryata ŋulu itiyaete aronis a ŋopya.

Ŋikiru. 55:23

Nai iyoŋ, okoe Akuj itolomari ŋulu aronok kwap. Nyepedorete ŋikaarak ka ŋimodiyanot akiyar, todolo atutubet apei ŋina ka akiyar kec. Nai ani eruwor ayoŋ, ekekinyomi iyoŋ.

Ŋikiru. 73:18

Kire, iwuak iyoŋ ikes nakiboisyo ŋuna ecurut; imyek iyoŋ ikes elomarete nakinyasuno.

Ŋakit. 1:27

Ani epote ŋican ŋulu alalak neni kus, ido toryamut iyes akisicanio ŋina aryenyaanan; ani kepotu neni kus aŋoit ka aryeba,

Ŋakit. 10:29

Erae agogoŋu aneni a ŋulu iyookino akiwuapit ŋuna a Ekapolon, nai erae amunyaro ŋina a ŋulu itiyaete ŋuna aronok.

Ŋakit. 21:15

Ani itiyao ŋakiro ŋuna iyookino, eryamunete ŋituŋa ŋulu iyookino alelyanu, nai ekadakini ŋulu itiyaete aronis.

Isa. 28:21

Eji Ekapolon lopite ŋolo abunio tojiyo alomoru Perasim, eŋoi iŋes lopite ŋolo abunio toŋoya anakadipaalat a Gibeon. Ebuni iŋes akitiya etic, egelaana epite ŋolo itiya iŋes, ebuni iŋes akitiya etic keŋ, ekujuwuana epite ŋolo itiya iŋes.

Ekim. 16:30

Nai ani kitiyak Ekapolon ŋakiro ŋuna kitete, ido totyakas ŋalup tosodi kiyuuwaar ikes tooma kaapei ka ŋiboro daadaŋ ŋulu eyakatar ikes, tolomasi ikes eyarete nalup, nakibois a ŋikatwak, iyenunete nai iyes atemar ejamuwarito ŋituŋa ŋul Ekapolon.”

Mat. 7:13

“Tolomasi alokek a ŋolo adidiŋan, anerae elolom ekek ka epatana erot ŋolo elosi natwanare, elalak ŋulu itorete nen.

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

2 Ŋites. 1:9

Eryamunete ikes akisicanio ŋina ka akinyasuno a ŋina nyesaluni; etyakaryo ikes aneni ke Ekapolon ka nyiŋolikinete ikes apolou ka apedor keŋ.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Ŋikat. 9:53

Nai abu aberu kimasa atapemu ŋinakiryeet, todo amoru ŋin nakou ka Abimelek, kinyakinyakaya akuulu keŋ.