Yob 31:28 - Ebaibul

²⁸ erae ŋun daŋ asecit ŋina emaikina ŋikatubok ekesicaniata ayoŋ, anerae itoodiunito ŋun atemar abu ayoŋ oŋer Akuj ŋina eyai kidiama.

Yob 31:28 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

2 Sam. 3:32

Tonuka ikes akuwan ka Abiner Eburon. Kiworou erwosit nooi, kikalou analyal ka Abiner, ido apotu ŋituŋa daadaŋ kikalout.

Yob 23:7

Kerae opedori ayoŋ alosit neni eyai Akuj, kiira iŋes ŋakiro kaŋ, anerae mam ŋuna aronok etiyat ayoŋ, ido karuwor ayoŋ ekelounan ŋakiro a ŋican kaŋ ŋikaru ka ŋikaru aneni a ekatubon ŋakiro kaŋ.

Yob 31:11

Ani kerae etiyate ayoŋ ŋun, kerae adyakaret ŋina aaran, kerae adyakaret ŋina ikisicanere alotooma ŋikisila;

Yob 31:27

ido ewuak etau kaŋ losubuna ŋul erae ŋulu ekeuryarito ayoŋ ka ani kakutakinit ayoŋ ŋakan kaŋ etopoloorit ikes,

Yob 9:15

Tari kemam ŋakiro ŋuna aronok ŋuna etiyat ayoŋ, mam ŋuna apedori ayoŋ aboŋokin iŋes; emaikina ayoŋ eŋit ŋolo ekesitakinit ayoŋ ekesyon ayoŋ.

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Ŋikis. 17:9

neni iŋituniata iyes aneni a ŋisacaradotin a ŋulu erae ŋilepi ka aneni a ekatubon ŋakiro a ŋolo epolokinit akitub ŋakiro alorwa a ŋul, ikilimokinete ikes iyes a nen ŋuna kitiyakina anakiro aŋun.

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Ŋibur. 12:23

Ipotu iyes nacunakina ŋina ka alakara ŋina a ŋidwe a ŋulu ka Akuj a ŋulu kiyae, a ŋulu igiritae ŋirorwa kec nakuj. Ipotu iyes neni ka Akuj a ŋina erae akatubon a ŋituŋa a daadaŋ ka neni a ŋitai a ŋituŋa a ŋulu iyookino, a ŋulu aponi kituruworoe ŋulu asegak jik.

Yos. 24:23

Tolimok Yosua ikes tema, “Tokona nai toŋero ŋakujo ŋunagelae ŋuna iyakatar iyes, kiikisi atemar iwuapete iyes Ekapolon bon ŋolo erae Akuj a Ŋisirael.”

Yos. 24:27

Tolimok nai Yosua ŋituŋa daadaŋ tema, “Amoru na iŋes ikisuudae iwon aŋuna adaunia akiirar ŋakiro daadaŋ ŋuna erwor Ekapolon neni yok. Iŋes ebuni akisuuda iyes erae pa kiwuap iyes acamit a Akuj kus.”

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

1 Yoa. 2:23

Anerae ŋini eŋerit Lokoku, eŋerit iŋes tari Papa; ŋini ecamuni Lokoku, ecamuni iŋes tari Papa.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Ŋikat. 11:27

Meere ayoŋ asecit aneni kon, nai iyoŋ itiyat erono neni kaŋ aŋuna ikitijio ayoŋ. Kimyek Ekapolon ŋolo erae ekatubon ŋakiro, totub ŋakiro nakoloŋit na tolimu kerae Ŋisirael nyiyookinito, kori Ŋiamoni.”