Yob 31:26 - Ebaibul

²⁶ Ani keŋolikinit ayoŋ akoloŋ ecai, kori elap iyosi eyakar akibuses

Yob 31:26 Iomraidhean Croise

2 Ŋirw. 23:11

Tolema iŋes ŋitorubei a ŋaŋolei ŋulu sek etowoikinito ŋirwosi a Yudaya lokek ŋolo ka Akai ka Akuj, ŋuna etaleoritae neni ka akoloŋ, torae alodiyete akai ŋina a ekolup a ŋolo anyaritae Nasan Melek, akai ŋina ayai narwatata. Kicunyak iŋes ŋagaari ŋuna elipere akoloŋ.

2 Ŋirw. 23:5

Kirita iŋes ŋisacaradotin ŋulu a ŋakujo a ŋun, ŋisacaradotin ŋulu kepotu ŋirwosi a Yudaya kiwuakis aŋuna ka ainanakin ŋainanakineta anenimukur, aneni ilipere ŋakujo alotaunio a Yudaya ka alo Yerusalem, ŋulu ainanakinete ŋainanakineta neni a Baal, neni ka akoloŋ, neni ke elap, neni a ŋirematom ka neni a ŋitopon ka neni a ŋiboorei a ŋic a ŋulu ecayete alokidiama.

Yob 25:5

Ani nai pa kecai elap ejok anakonyen ka Akuj ka pa kecayete ejok ŋikacer aneni ka Akuj,

Yob 31:27

ido ewuak etau kaŋ losubuna ŋul erae ŋulu ekeuryarito ayoŋ ka ani kakutakinit ayoŋ ŋakan kaŋ etopoloorit ikes,

Eete a Ŋie. 6:10

“Ŋae ŋin ŋina ebunit ikwa akiwalaret, ŋina ecai ereet ikwa elap, ŋina ikinwaki ereet ikwa akoloŋ, ŋina ailiilon a ereet ikwa ŋasigarya ŋuna etenito alosit lojie?”

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Ŋikis. 11:16

tocoito, anerae acepaki ikisuparyo iyes akitiyanakin ŋakujo ŋace ka akilip neni kec,

Ŋikis. 17:3

aŋuna alosyo akitiyanakin ŋakujo ŋace ka akilip neni kec, kerae neni ka akoloŋ, kori, a elap, kori a ŋiboorei ca daadaŋ ŋulu eya kidiama, a ŋulu nyakacamakinit ayoŋ iyes kilipa neni kec,

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.