Yob 30:26 - Ebaibul

²⁶ Nai ani apaki ŋina ewarya ayoŋ ŋuna ajokak, abu aronis bu; ani edaruni ayoŋ alakara bu neni kaŋ, apotu ŋican potu neni kaŋ.

Yob 30:26 Iomraidhean Croise

Yob 18:18

Adaun akimasar ikes anakica tooma nakiryonut adaun akiritar ikes anakwap.

Yob 18:6

Ikwaanikin ikes ka ŋakais ŋuna emam akica ŋuna etuduŋei akica, ikwaanikin ikes ka ituŋanan ŋini alema akica ŋina sek ecai alokidiama keŋ.

Yob 19:8

Agoloki Akuj erot kaŋ, ikotere edaun ayoŋ neni etori, ewuak Akuj akiryonut neni sek emaikina ayoŋ oiunor.

Yob 23:17

kerae ca opedori ayoŋ aŋopiyar anakiryonut, kerae topedori akiryonut ŋinakiryonon cuc arapuwar ayoŋ!

Yob 29:18

“Abu ayoŋ olimu alotau kaŋ otema, ‘Atwani ayoŋ arae ŋolo eketopolooritae ekaku a ŋirwa a ŋulu alalak nooi.’

Ŋikiru. 97:11

ebuneeneajokis neni a ŋulu iyookino, ebuneenealelyanu neni a ŋulu iyookino alotai.

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 59:9

Aŋun, elwaka aneni kosi ŋakiro ŋuna ka akiyookino, nyeryamununio isua ŋakiro ŋuna ka akiyookino. Ikiitanit isua ayenun ŋakiro ŋuna a kire, nai erae ŋakiro daadaŋ abaŋao bon. ikitanit isua akitiya ŋakiro a alakara, nai ikilosi isua ikiyaloloŋi.

Yer. 14:19

Okoe Ekapolon, iŋer iyoŋ ŋituŋa a Yudaya jik a? Aluŋ mono etau kon Sion a? Kaanukiro ikisicania iyoŋ isua nooi adaunor epite ŋolo ikitaŋaleunere isua? Iitanitae isua ekisil, nai mam ajokis aryamun, iitanitae isua akitaŋaleuno, nai eryamunitae anyunyura akilo ekisil.

Yer. 15:18

Kaanukiro nyedaununor aryeba kaŋ? Kaanukiro nyeiyonaryata ŋajemei kaŋ? Kire, ikoni iyoŋ aneni kaŋ ayonae ŋina edaunun ŋakipi ikamuni, ikoni iyoŋ eitanit ŋolo egolori ŋakipi.”

Yer. 8:15

Ikiwarit iwon ekisil, nai mam ajokis aryamun, ikiitanit iwon akitaŋaleuno, nai eyakare iwon ekabule.

Aum. 3:2

Abu Akuj okoya ayoŋ oloma nakiryonut neni amam akica.

Mika 1:12

Iyes ŋituŋa a Maros, kidara ŋuna ajokak ikiburit akiŋolikin, anerae ayau Ekapolon aronis nakwap, tari lopuke a Yerusalem.