Yob 30:15 - Ebaibul

¹⁵ Akabul ayoŋ nooi, alemasi ikes apolou ŋina sek ayakar ayoŋ, aŋopiya ebari kaŋ lopite ŋolo eŋopiyarya edou.

Yob 30:15 Iomraidhean Croise

Yob 10:16

Idedŋ iyoŋ ikwa eŋatny ikiwarit ayoŋ, iboŋonokini iyoŋ akican ayoŋ ikimanit.

Yob 3:25

Kire jik, etiyakin neni kaŋ ŋakiro ŋuna akerit ayoŋ nyitiyakin neni kaŋ ka ŋuna eketukuryanete ayoŋ nooi, akadolokis ayoŋ.

Yob 30:14

Eelun ikes aneni esibit itorunito neni eorori nooi; akaemakin ikes ayoŋ emotuno nooi.

Yob 31:23

Nai etopoloorit ayoŋ ayeni atemar ketiya ŋun ekesicani Akuj ayoŋ; ido pa kapedorit ayoŋ akitijiore ailiil keŋ.

Yob 6:4

Eketeryamu Akuj ayoŋ aryeba ikwa ituŋanan ŋini egumitae a ŋikaleŋeleŋe, ido elelebun nakiyar kaŋ akisorit ŋina aaran, eketubul ayoŋ Akuj aŋuna a ŋican a ŋulu alalak a ŋulu ekeyakik iŋes ayoŋ.

Yob 7:14

togeu iyoŋ akitukuryan ayoŋ a ŋakirujaeta ka akitubul ayoŋ a ŋakitoodyanakineta,

Yob 7:9

Lopite ŋolo ielielaaror edou, ido toŋopiya, eŋopiyanarete ŋulu eloseneneete nakibois a ŋikatwak nyetakanut nabo jik;

Ŋikiru. 55:3

ŋinibore apupyo ŋitoilon a ŋimoe kaŋ, ŋinibore ekesicanitotor ayoŋ ŋulu aronok; anerae eyaununeete ŋakiro kec aryeba neni kaŋ, ido anaŋoit kec, ekemanito ikes ayoŋ.

Ŋikiru. 88:15

Ŋinapei anasoroko kaŋ, aryamunit ayoŋ ŋican ka akaapikinit atwanare; aryamu ayoŋ ŋican anakisicaneta kon, ido apapanu.

Ŋikiru. 88:16

Ekenyaadiya ayoŋ anyunyura kon; eketapapanut ayoŋ ŋakisicaneta kon.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”