Yob 3:5 - Ebaibul

⁵ Elipi toruwor akoloŋit ŋin ŋina ka akiyaloloŋ ka ŋina iryonia akwap cuc, elipi torapuwasi ŋidouwon akwap akoloŋit ŋin; elipi toyakaun akiryonut ŋina etubulon akoloŋit ŋin.

Yob 3:5 Iomraidhean Croise

Yob 16:16

Aseca ereet kaŋ aŋuna ka akigworo, areŋiata ŋakonyen kaŋ nyeriŋa ete ejok,

Yob 24:17

Erae akiryonut cuc aneni kec a daadaŋ ataparacu; anerae nyeriŋa ikes ebulenene iryoniar akwap.

Yob 28:3

Ani elomarete ŋulu ebokete ŋasuwa ŋun tooma napanya ŋuna ebokyata ikes ŋasuwa etiŋito ikes ŋitaae ŋulukinwaket akwap, ebokete ikes akwap todoiyosi tooma jik, ikotere ebokunete ŋamoru ŋuna inyalal ka ŋasuwa alotooma akiryonut;

Yob 3:4

Emaikina akoloŋit ŋin erae ŋina ka akiryonut, elipi nyetamu nabo jik Akuj akoloŋit ŋin, kori nyebu akica akoloŋit ŋin.

Yob 3:6

Elipi torebuwa akiryonut ŋinakiryonon cuc akuwar ŋin, nyemaikina alelyanu adio eyakaun akoloŋit ŋin, lopite ŋolo eyakar ŋirwa a ekaru ŋuluce; elipi akuwar ŋin nyeyakaun lorwa ŋulu a ŋalipyo.

Yob 34:22

Emam neni iryono cuc, kori auwuat ŋina iryono cuc, neni epedoryata ŋulu itiyaete aronis a ŋopya.

Yob 38:17

Eyai ituŋanan ikidodik iyoŋ ŋipukei ŋulu elomarere nakibois a ŋikatwak a? Kori iŋolikinit iyoŋ akibois ŋina ka akiryonut cuc a?

Ŋikiru. 107:10

Apotu ŋice kiboiyoto anakiryonut ka anakiyaloloŋ, arae ŋul ŋimabus ŋulu aenen a ŋiriko, ŋimabus ŋulu aya locan,

Ŋikiru. 107:14

Abu yau ikes anakiryonut ka anakiyaloloŋ a ŋina apolon nooi a ŋin toŋedeŋedaa ŋiriko ŋulu aenitere ikes.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 44:19

Nai ikiesik iyoŋ isua ikwa ŋamesekin ŋuna imyekinitae aneni eya ŋikweei, ikiesik iyoŋ isua anakiryonut a ŋina iryono cuc.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 4:28

Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Mat. 4:16

Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Ŋikis. 4:11

Totamunito epite ŋolo iponiata iyes towua anakeju ke emoru apaki ŋina arira akim adolitor kidiama torapuwarite edou ŋolo kiryonon cuc emoru.

Ŋibur. 12:18

Nyiponito iyes lomoru ŋolo etakani ikwaŋina koloŋ aponiata ŋituŋa ŋulu a Isirael; apotu ikes potu lomoru ŋolo enyaritae Sinai, ŋolo anepya akim, ŋolo ayai akiryonut ka akiyaloloŋ ta ekuwuam ŋolo anyunyura.