Yob 29:3 - Ebaibul

³ apaki ŋina eketerereŋitor ayoŋ Akuj, apaki ŋina alosyo ayoŋ eketoodikinit iŋes ayoŋ neni etori anakiryonut;

Yob 29:3 Iomraidhean Croise

Yob 11:17

Ejokyar nooi akiyar kon akilo neni ileereo ibore daadaŋ kidiŋ apaaran ecai akoloŋ, ikwaanikin anyipinyip ŋina sek a akiyar kon ka apaki ŋina iwalarya akwap.

Yob 18:6

Ikwaanikin ikes ka ŋakais ŋuna emam akica ŋuna etuduŋei akica, ikwaanikin ikes ka ituŋanan ŋini alema akica ŋina sek ecai alokidiama keŋ.

Yob 21:17

“Ŋarwa ŋayai eduŋeneneo akiyar a ŋikaronok? Ŋarwa ŋayai eponianiata ŋican neni kec? Ŋarwa ŋayai einanakinia Akuj ikes anaŋoit keŋ aryebo?

Yob 22:28

Itamakini iyoŋ atemar kerae etiya nu, ka isiyookinio ŋun aŋuna kon, ido ileereuni epite ŋolo emaikina iyoŋ kitiyaa ŋun.

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 18:29

Anakiŋarakinet kon, apedori ayoŋ amunyar ajore; anakiŋarakinet ka Akuj kaŋ, apedori ayoŋ akikalam arwatata.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 27:1

Ekapolon iŋes akica kaŋ ka aiuno kaŋ, ŋae nai akeri ayoŋ? Neni ke Ekapolon iŋes ayakaun ayoŋ aiuna; ŋae nai akuryaniaror ayoŋ?

Ŋikiru. 4:6

Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋakit. 13:9

Ikwaan ŋulu iyookino ka akica ŋina ecai nooi, nai ikwaan ŋulu aronok ka akica a etaa ŋina irwapirwapi ecamit aduŋere.

Ŋakit. 20:20

Ani kicen iyoŋ papa kon, kori toto kon, elomari akiyar kon locan, lopite ŋolo elemarere etaa ŋolo ecai aneni iryono cuc.

Ŋakit. 24:20

anerae emam akigeno eyakar ituŋanan ŋini itiyae aronis, ido nyeyarete ekaoyan ŋituŋa ŋulu aronok.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,