Yob 28:26 - Ebaibul

²⁶ ŋina atubunio Akuj neni emaikina akiru kilim ka erot ŋolo emaikina kiwuap akiru ŋina alalan ŋina etepi tokusi;

Yob 28:26 Iomraidhean Croise

Yob 28:27

apaki ŋin nai, iŋes eŋolikinia Akuj ajokis ŋina ka aosou; abu yau aosou toyakaun ka abu kikatak ajokis ŋina ka aosou, ido kimyek toyakaun.

Yob 36:26

Kire jik, erae Akuj ŋina epol nooi, ido nyikiyeni iwon iŋes, emam ŋini epedori akimarun ŋikaru ŋulu ka Akuj.

Yob 36:27

Akuj iŋes ikyaanari ŋakipi kidiama, iŋes ecunanakini ŋakipi, ido toli kituruwo ŋakilimes a akiru

Yob 36:29

Eyai mono ituŋanan eyeni epite ŋolo epetarotor ŋidouwon ka epite ŋolo egirotor ŋidouwon ŋulu epetakinit Akuj a?

Yob 36:32

Ecunanakini iŋes akimilya nakan keŋ, ido kiyoo neni ecamit iŋes amunaar.

Yob 37:11

Ilelebyanakini Akuj ŋakipi lodouwon ŋulu aburok, kielut ŋidouwon akimilya,

Yob 37:2

Topupokisi epite ŋolo egiror akiru anapedor ka Akuj, topupokisi akikilya ŋina ebunit aneni ka Akuj.

Yob 37:3

Iyakununui Akuj akimilya totiyaun alokidiama, ido toyakaun agiro nakwap ameun alowae ke epei tari lowae ŋoloce.

Yob 37:4

Ani elunyar akimilyaunet, togirok nai akiru anapedor ka Akuj, egirokine ŋolo ailiilon, ido nyitojoŋoe Akuj akimilya apaki ŋina epupere agiro keŋ.

Yob 37:6

Epedori Akuj alimun ebe, ‘Ekuno totiyaar kwap kilim’; elimokini iŋes ŋakako todoto nakwap, ido epedori alimokin akiru ŋina alalan akilim.

Yob 38:25

“Ŋae abu kiwuak akitelosit a akalele a ŋakipi a ŋuna ka akiru; ka ŋae abu kiwuak erot ŋolo itori akimilya eriŋa nyegirokina,

Yob 38:26

ikotere eyauni akiru nakibois ŋina emam ŋituŋa eya, naloŋisat neni emam ŋituŋa elomito,

Yob 38:27

ido kiwuak ajokis nakwap ŋina emam ituŋanan eyai ka ŋina erae ereŋorot?

Ŋikiru. 135:7

Eyaununui iŋes ŋidouwon anakisaleta ka akwap; eyaununui iŋes akimilyaa aŋuna ka akiru, ido eyaununui ekuwuam aneni sek eyai.

Ŋikiru. 148:8

Kipuro Ekapolon iyes akimilya ka ŋakako, ekwok ŋolo ka akiru ka ŋidouwon, ta ekuwuam ŋolo agogoŋon ŋolo iwuapit ŋuna alimu Ekapolon.

Ŋakit. 8:22

“Abu Ekapolon okosub ayoŋ isyakini etic keŋ, alimu aosou atemar, arae ayoŋ esyakini alotic keŋ a ŋolo akoloŋ.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Amos 4:7

Abu daŋ ayoŋ nyekeyakik iyes akiru apaki ŋina edoŋitor ŋilapyo ŋiuni bon todol apaki ŋina elemere ŋikinyom. Abu ayoŋ eyaku akiru lotaun epei, nai nyeyakik akiru lotaun ece, ayai akiru lomanikor epei nai emanikor ŋolo amam akiru, apotu ŋikinyom keŋ toiniyasi,

Sakar 10:1

“Kiŋita Ekapolon akiru apaki ŋina ka akicereet. Erae Ekapolon iyakiununui ŋidouwon ŋulu ka akiru iŋes einanakini ŋituŋa akiru, iŋes itilibuni ariet aŋuna a ŋinisubuna.