Yob 27:9 - Ebaibul

⁹ Iirari mono Akuj akigworo kec apaki ŋina edolokinioto ŋican ikes a?

Yob 27:9 Iomraidhean Croise

Ŋikiru. 109:7

Emaikina iŋes toryamunae esecit apaki ŋina isitakinere, emaikina iŋes kisitakinae aŋuna ilipya.

Ŋikiru. 18:41

Apotu ikes kigworo iitanito ikaiunan, nai mam ŋini apedori aiun ikes; apotu ikes kigworonokis Ekapolon, nai abu Ekapolon nyeboŋok ikes ŋakiro ŋadi.

Ŋikiru. 18:42

Abu ayoŋ oreu ikes kielaros ikwa apuwa ŋina ielari ekuwuam; abu ayoŋ ecakicak ka epuda ikes ikwa ecoto ŋolo alorotin a etaun.

Ŋikiru. 66:18

Ani kerae sek emunonite ayoŋ asecit alotau kaŋ, pa kepupokinit Ekapolon ŋakiro kaŋ;

Ŋakit. 1:27

Ani epote ŋican ŋulu alalak neni kus, ido toryamut iyes akisicanio ŋina aryenyaanan; ani kepotu neni kus aŋoit ka aryeba,

Ŋakit. 1:28

apaki nai ŋin inyaraata iyes aosou ikiŋarak iyes, nai nyikiŋarakini aosou iyes apaki ŋin, apaki ŋin, iwarete iyes aosou ilelakinito, nai nyiryamunete.

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Yer. 11:11

Aŋun, kire jik abuni ayoŋ ayaun ŋican neni kec ka nyesiyete ikes alocan a ŋul, tari kekekaloikis ikes ayoŋ, nyapupokini ayoŋ ikes.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Mika 3:4

Ebunit apaki ŋina ikalounioto iyes neni ke Ekapolon, nai mam ŋuna ikiboŋokini iŋes iyes, nyecamuni iŋes apupokin ŋakilipasinei kus, anerae itiyata iyes aronis.

Sakar 7:13

Ikwapei aponiata ikes nyiirasi ŋakiro kaŋ apaki ŋina erworor ayoŋ, abu ayoŋ daŋ nyaboŋok ŋakiro kec apaki ŋina elipatar.

Luk. 13:25

Kedau elope ŋolo ke ekal anyoun togol ekek, iwuoyete iyes alokiŋa, kisyakis akikoŋikoŋ ekek ibasi, ‘Ekapolon, toŋaarae isua olomutu!’ Eboŋokini iŋes tema, ‘Nyayeni ayoŋ neni iponitotor iyes!’

Yoa. 9:31

Ikiyeni iwon atemar nyepupi Akuj ŋikasecak, epupi ŋulu ekerito iŋes bon ka ŋulu itiyaete ŋuna ecamit iŋes ikes kitiyata.

Ŋikis. 1:45

Apaki ŋina iboŋunioto iyes, ipotu kigworo neni ke Ekapolon, abu Ekapolon towou akiirar akigworo kus, nyecamu tari apupokin ŋakiro kus.

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.