Yob 27:5 - Ebaibul

⁵ Nyikiryama ca jik ayoŋ ka alimun atemar irworosi iyes ŋuna iyookino; nyaŋeri ayoŋ ŋuna ka akiyookino kaŋ tari natwanare kaŋ.

Yob 27:5 Iomraidhean Croise

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Yob 2:9

Abu nai aberu keŋ tema neni keŋ, “Eriŋa iyoŋ irubakinit irae ŋolo iyookino a? Kicen Akuj totwana iyoŋ.”

Yob 29:14

Abu ayoŋ etiya ŋuna iyookino neni a ŋituŋa ka arae ŋun ŋuna apolok aneni kaŋ lopite ŋolo inapitor elou, abu akiyookino kaŋ kikwaanikin ka anapit ekaaso ka akopiya, ŋinapen ŋulu ka apolou.

Yob 31:6

Emaikina Akuj okotubok ayoŋ a ŋakiro kaŋ iyookinit ka emaikina Akuj toyenu atemar emam ŋuna eketoroniyaritere ayoŋ.

Yob 31:7

“Ani kaoliyorit ayoŋ alorot a ŋolo iyookino ka kewuapit ayoŋ alotau kaŋ ŋuna eŋolikini, ido kidoŋit emacar ka aronis a ŋina etiyat ayoŋ nakan kaŋ;

Yob 32:1

Aŋun, apotu ŋikilyok ŋuluuni ŋul tojoŋoto aboŋonokin Yob ŋakiro, anerae arae Yob ituŋanan ŋini eyookino anatameta keŋ.

Yob 32:2

Abu nai Eliu lokoku a Barakel a ŋolo anateker a Bus a ŋolo alokal a Ram toŋo. Abu iŋes toŋoik Yob, anerae abu kitogogoŋ erwor itojoka iŋes bon akilo tari akitojokit Akuj.

Yob 32:3

Aŋoit daŋ iŋes aŋuna a ŋikonei a Yob a ŋuluuni, anerae apotu ikes nyiyookis ŋakiro ŋuna aboŋonokinete ikes Yob, tari daŋ ŋina alimunitotor ikes atemar edyakarit Yob.

Yob 33:9

Ilimu iyoŋ ebe, ‘Emam ŋuna eketoroniyaritere ayoŋ, emam ekisil abilit ayoŋ;

Yob 42:7

Kedau Ekapolon akirwor ŋakiro ŋun neni a Yob, tema Ekapolon neni a Elipas a Etemanait, “Anyunyura ayoŋ neni kon ka neni a ŋikonei kon Bilidad ka Sopar, anerae nyirworo iyes aŋuna kaŋ ŋuna iyookino, lopite ŋolo erworitor Yob eketiyan kaŋ.

Yob 6:29

Totamatamata nabo, ekelipit ayoŋ iyes, nyicamakis ŋuna nyiyookino kitiyakin. Totamatamata tokona, eriŋa akiyookino kaŋ ikoni nenipei sek.

Ŋakit. 17:15

Ituŋanan ŋini itojokit ŋulu aronok ka ituŋanan ŋini nyitojokit ŋulu iyookino, erae ŋul daadaŋ ŋisiilyanotin aneni a Ekapolon.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Ŋigal. 2:11

Nai ani ebuni Petero Antiokio, abu ayoŋ etepeg iŋes alokiŋaren ŋikanupak daadaŋ, anerae eleere atemar pa eyookino ŋakiro ŋuna etiyat iŋes.

Ŋikis. 25:1

Ani kiburakinosi ŋituŋa ŋiarei, toŋoikinos, ido yaasi ŋakiro kec loikiiko totubo ŋikatubok ŋakiro kec, tolimut atemar iyookinit ipei nai nyiyookinit ŋinice,