Yob 27:20 - Ebaibul

²⁰ Ikamununui ekabule ikes lopite ŋolo iyesunor akalele, ani nakwaare kitoŋopiyasi ŋiryenyaanotin ŋikaronok daadaŋ.

Yob 27:20 Iomraidhean Croise

2 Ŋirw. 19:35

Akoloŋit ŋin nakwaare, abu emalaika ŋolo ke Ekapolon tolot neni eboiyoto ŋasigarya ka Asiriya, toar ŋasigarya ŋalipyo amiat ka ŋatomonikanikauni ka ŋikan. Ani taparacu iwalari akwap, torukaut ŋituŋa ŋalyelin make.

Yob 15:21

Epupete ŋiryenyaanotin ŋitoilon ŋulu einakinete ikes ekabule; apaki ŋina eyakatar ikes nalakara, ebuni ekenyasan amunaar alakara kec.

Yob 18:11

Eyakasi ŋiboorei ŋulu etukuryanak ikes lowaetin kec daadaŋ, itekerete ŋiboorei ŋul ikes nyetapanakin ŋatotiny kwap.

Yob 20:23

Iakuuni Akuj neni kec ŋiman ŋulu ka anyunyura keŋ, ido tobuku neni kec ŋakisicaneta ŋuna adedeŋak.

Yob 20:8

Epuripuriyar ŋituŋa ŋulu aronok lopite ŋolo epuripuryarotor ŋakiro ŋuna irujae ituŋanan, nyetamun jik; eŋopiyarete ikes lopite ŋolo eŋipirya etorube ŋolo atakani anakiruja.

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Yob 22:16

Aponi ikes tomunyarae eriŋa nyedolo apaki kec ŋina etwakyata, abu akalele kitoŋopiya akisyakinet kec.

Yob 24:18

“Sopar, irworo iyoŋ ebe, ‘Iwokonorete ŋakipi atipei ŋulu itiyaete aronis, icenit Akuj neni iboiyoto ikes, mam eketiyan eapiyari lomanikorin kec ŋulu ke epiini.

Yob 34:20

Epedorete ŋikabarak ka ŋikulyakanotin atwakare atipei, epedoryo ŋituŋa akitamaranikin nakwaare, ido totwaka, epedori Akuj alemar ŋikadedeŋak pa itijikinit.

Ŋikiru. 18:4

Apotu ŋirotin ŋulu ka atwanare okorapuwasi ayoŋ, apotu ŋirotin ŋulu ka amunyaro kipiiyaun, ekesiiryakis ayoŋ neni aronon,

Ŋikiru. 42:7

Ikitoropik iyoŋ ayoŋ ŋican lopite ŋolo eropiyoto ŋakipi nacuuro; Ekeloŋiyasi ayoŋ ŋican lopite ŋolo erapuwarya akalele akwap; akarapuwasi ayoŋ ŋican lopite ŋolo erapuwarya arimama ibore.

Ŋikiru. 83:16

Kisurum ikes ŋileec nooi, ikotere nai ikes, okoe Ekapolon, ecamunete atemar epol apedor kon.

Ŋikiru. 90:5

Ikilemanari iyoŋ isua atipei, ikikwaan isua ka akiruja, kori ŋinya ŋulu elibak taparacu ani esoŋakini akoloŋ torinyiyosi;

Awos. 12:29

Ani edoli kidiŋ akuwar, toar Ekapolon ŋikiyae alo Ijipit daadaŋ, akisyakin aneni a ŋini a Parao a ŋini emaikina kisiboikinoe lokicoloŋ akipuka, tari neni a ŋini a emabus a ŋolo ayai lojera ka ŋikiyae daadaŋ ŋulu a ŋibaren kec.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Yona 2:3

Ibu iyoŋ ikimasa ayoŋ nenicukul nooi, tooma lotau a ŋanamyo; ido okorapuwasi ŋakipi; apotu ŋikaguragurae a ŋakipi; daadaŋ ŋulu iyakuunit iyoŋ okorapuwasi ayoŋ.”