Yob 24:4 - Ebaibul

⁴ Ijukanarete alorot ŋulu eyakatar akiitanit; einakinito ikes ŋikulyak daadaŋ anakwap akiŋop aŋuna kec.

Yob 24:4 Iomraidhean Croise

Yob 24:14

Enyoununeete ŋikaarak apaki ŋina iryonunia akwap daadaŋ aŋuna ka akiar ikulyakit ka ŋini a ŋican, elosete ikes nakwaare ikwapei ŋikokolak.

Yob 29:12

anerae eŋaranakini ayoŋ ŋulu a ŋican ŋulu ekegworonokinete ayoŋ, eŋaranakini ayoŋ ŋikokyok ŋulu amam ituŋanan apedori akiŋarakin.

Yob 29:16

Abu ayoŋ oruwor papa a ŋulu ayakatar akiitanit, awuanakini ayoŋ ŋituŋa ŋulugelae aloikiikoe.

Yob 30:25

Pa mono abu ayoŋ egwor aŋuna a ŋulu apotu toyakaun locan a? pa mono abu ayoŋ eyaloloŋ alotau kaŋ aŋuna a ŋikulyak a?

Yob 31:16

“Ani kemikit ayoŋ ŋikulyak ibore ŋini eitanito, kori kesigworit apuserut,

Yob 31:19

ani kemyekinit ayoŋ idiotuŋanan etwani aŋuna amamukatar ŋilowi, kori ituŋanan ŋini a ŋican ŋini amamukar ibore ŋini imukoror,

Ŋikiru. 109:16

anerae abu ekile ŋol nyetamu akitoodiun arimao, nai abu kisican ka toar ŋikulyak ka ŋulu eyakatar akiitanit ta ŋulu eyaloloŋiyosi alocan kec.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 22:16

Ituŋanan ŋini edemanari ŋikulyak ŋiboro kec aŋuna ka abarya ka ŋini einanakini ŋikabarak ŋiboro keŋ, eruwor ŋul daadaŋ ŋikulyakanotin.

Ŋakit. 28:12

Ani keryamu ituŋanan ŋini iyookino apolou, eyakaun alelyanu ŋina apolon nooi lotuŋa, nai ani keryamu ituŋanan ŋini aronon apolou, eemete ŋituŋa akiŋop a iwace.

Ŋakit. 28:28

Ani keryamu ituŋanan ŋini aronon apolou, eemete ŋituŋa akiŋop a iwace, nai ani emunyar ŋituŋa ŋulu aronok, epitunete ŋulu iyookino.

Ŋakit. 30:14

Eyakasi ŋituŋa ŋulu eryenyanikinito ŋikulyakanotin ka ŋulu a ŋican anakidem ŋiboro kec, ido erae ŋol epite ŋolo eryamunitotor ikes ibore ŋini eyaryata.

Isa. 10:2

aŋuna ka akiteesikin ŋikulyak akitiya ŋuna iyookino ka alemarya akiyookino alotuŋa kaŋ a ŋulu erae ŋikulyak; itiyaete iyes ŋun aŋuna ka aŋatarya ŋapuseru, ikotere inyamete ŋawat a ŋikokyok.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:18

Nai etwani papa aŋuna ka asecit keŋ a elope, anerae abu iŋes tolomak akitiya ŋakiro ŋuna ka aryenyeo, todema lokaato keŋ ŋiboro ka kitiya ŋuna pa ajokak neni a ŋituŋa keŋ.

Esek. 22:29

Adaut ŋituŋa a akwap kec akitiya ŋakiro ŋuna ka ademonu ka akoko; iteryamunito ikes ŋikulyak ka ŋulu eyakatar akiitanit ŋican, adema ikes ŋiboro aneni a ŋigelaanotin etamete atemar mam ŋul ajokis ayakar ŋiboro.

Amos 2:7

iimakinito ikes ŋituŋa kec ŋulu a ŋican, nyecamito ikes akiŋarakin ŋulu eyakatar akiitanit. Ituruworito lokoku ka papa keŋ apese apei aberu kec, aŋun, enyasut ikes ekiro kaŋ ŋolo asegan;

Amos 4:1

Torubak Amos irworo tema, “Kiirasi ŋakiro nu iyes ŋaberu ŋuna iboiyete alo Samaria, iyes ŋuna itumito ikwa ŋaatuk ŋuna edakasi Basan, iyes ŋuna isicanito ŋikulyak ka iimakinito ŋulu eyakatar akiitanit, iyes ŋuna ilimonokinete ŋikilyok kus atemar inakinae isua ikotere ikimasi!