Yob 24:24 - Ebaibul

²⁴ Itopoloonoryo ŋikaronok apaki ŋina euruwuana, ido toŋopiyasi atipei; epuripuryaar apolou kec towiyo, lopite ŋolo elemere ŋakyes a ŋikinyom.

Yob 24:24 Iomraidhean Croise

Yob 14:21

Eryamununete ŋidwe a ŋikatwak a ŋul apolou, nai nyeyenete ŋikauruunak kec ŋun; tari kelemar ŋidwe ŋul anapolou, nyeyenete ŋikauruunak kec ŋun.

Yob 20:5

atemar erae alakara a ŋulu aronok ŋina euruwuana ka atemar erae alelyanu a ŋulu nyekerito Akuj adio cici a?

Yob 21:13

Iboiyete ŋirwa ŋulu ka akiyar kec erae ŋulu elakara, ido totiyaaros tooma nakibois a ŋikatwak emam ŋican aryamunito.

Yob 21:33

Ebobokinit ŋalup ŋuna a ŋakadipaalae acakanakin ŋikaronok neni kec; etupanarete ŋituŋa daadaŋ ŋikaronok eayo akinuk ka nyimarunun ŋituŋa ŋulu iŋarenikinete ikes eayo akinuk.

Yob 8:22

Irumete ŋileec ŋulu ikiremokino iyoŋ, ido emunaaryo ŋakais a ŋikaronok.”

Ŋikiru. 37:10

Idoŋit apaki ŋina euruwuana todaunos ŋulu aronok; tari kiwar iyes ikes, mam nyiryamunete.

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Ŋikiru. 92:7

tari kelalata ŋulu aronok ikwa ŋinya ka kelalata ŋulu itiyaete aronis daadaŋ, emunyari Akuj ikes nyetakanut nabo jik.

Yak. 1:11

Elomuni akoloŋ erirae nooi tonom ekitoe; tosodi aturot keŋ toraraun, ido toŋopia akibuses keŋ. Ikwaŋinapei, ekabaran daŋ eŋopiyari alotooma etic keŋ.