Yob 24:13 - Ebaibul

¹³ “Eyakasi ŋituŋa ŋulu eŋerito ŋakiro ŋuna ka akica ŋulu nyeyenikinito akiwuapit ŋuna ebala Akuj kiwuapa ka ŋulu nyepedorito arubakin iwuapito ŋuna Akuj.

Yob 24:13 Iomraidhean Croise

1 Ŋirw. 3:20

Tosodi tonyou kidiŋ akuwar, todaka lokoku kaŋ alosyep kaŋ eriŋa ayoŋ aketiyan kon ajotoe. Kebu kiperik lokoku kaŋ natorobu keŋ, ido kiperik lokoku keŋ ŋolo atwan natorobu kaŋ.

Yob 24:12

Eumenete alotaun ŋulu iridete iworoete ŋulu ewanana ecamito akiŋarakino; nai nyemisit Akuj akiirar akilip kec.

Yob 24:14

Enyoununeete ŋikaarak apaki ŋina iryonunia akwap daadaŋ aŋuna ka akiar ikulyakit ka ŋini a ŋican, elosete ikes nakwaare ikwapei ŋikokolak.

Yob 24:16

Epedepedeete ŋikokolak ŋarwatatain a ŋakais nakwaare, ani naparan togolokinos neni eŋopyata; nyeyenete ikes akica ŋina ka apaaran.

Yob 38:13

ikotere eyakaun akica nakiboisyo ka akwap daadaŋ, ido toŋopa ŋulu itiyaete aronis aŋuna ka akica a?

Yob 38:15

Elemaritae akica aneni a ŋulu aronok, ebilibilaaritae ŋakan kec ŋuna etenito akiar.

Yob 5:14

Iryono akwap aneni kec tari naparan, imudumudosi ikes tari alokidiŋ apaaran esibit akuwar.

Ŋakit. 4:19

Ikwaan erot a ŋulu aronok ka akiryonut ŋina iryono cuc, nyeyenete ikes atemar nyo ikiguk.

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yoa. 12:40

“Etumudukan Akuj ŋakecekonyen ka etabaŋaan ikes, ikotere nyiŋolikis a ŋakonyen kec ka nyeyenut ŋatameta kec, nyeboŋut neni kaŋ, tosodi etaŋaleu ayoŋ ikes.”

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Yoa. 8:31

Tolimok Yesu Ŋiyudayan ŋulu anupito iŋes tema, “Ani kiricakis iyes ŋakiro kaŋ, iraakasi kire iyes ŋikasyomak kaŋ.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 1:32

Eyenete ikes atemar ebala ekisil ŋolo ka Akuj ebe, ŋulu itiyaeneneete ŋakiro ŋun, itemokino totwaka. Tari kikote nen, nyerubakinito ikes itiyaete ŋun bon, nai itojokito daŋ ŋulu itiyaete ŋuna itiyaete ikes.

Yak. 4:17

Aŋun, ituŋanan ŋini eyeni ŋuna itemokino kitiyae, nai nyitiyak, aruwor ŋun asecit aneni keŋ.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Yud. 1:6

Ŋimalaikan daŋ ŋulu apotu toŋero apolou kec, apotu toesikis neni eboiyoto ikes, ido eenit Akuj ikes a ŋiriko a ŋulu ruba, anakiryonut a ŋina iryono cuc, akitodol Akoloŋit ŋina apolon ŋina ka atubokino.