Yob 23:8 - Ebaibul

⁸ “Ani kalot ayoŋ tari lowae ŋolo elomununuya akoloŋ, emam Akuj aina, kori ani kaboŋo ayoŋ lowae ŋolo edoiyonori akoloŋ, nyaryamuni ayoŋ Akuj;

Yob 23:8 Iomraidhean Croise

Yob 23:9

ani kalot ayoŋ lowae ŋolo alo Kuju, nyaryamuni ayoŋ Akuj; ani kaboŋo lowae ŋolo alo Kwap, nyeŋolikini ayoŋ Akuj ayai nen.

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Yob 35:14

Etya nai ai Yob epite ŋolo nyiirarya Akuj ŋakiro kon erae kirworo iyoŋ ebe, ‘Nyete ayoŋ Akuj, eyakasi ŋakiro kaŋ kiŋaren keŋ ka edarit ayoŋ iŋes eketuruwo ayoŋ ŋolo eyookino.’

Yob 9:11

Kiirasi, epedori Akuj akitor diyete kaŋ, ido nyapedori akiŋolikin iŋes, etubonor iŋes alodiyete kaŋ, nai nyapedori ayoŋ ayenun.

Ŋikiru. 10:1

Okoe Ekapolon, kaanukiro iyakar iyoŋ neni alwanan? Kaanukiro iŋopiyanarya iyoŋ anapakio aŋuna ikiyakar isua locan?

Ŋikiru. 139:5

Ikiyoki iyoŋ ayoŋ anawaetin a daadaŋ ikiyoki iyoŋ ayoŋ a apedor kon.

Isa. 45:15

Kire irae iyoŋ Akuj ŋina nyikiteete ŋituŋa, Okoe Akuj a Isirael ŋina irae akaiunan.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.