Yob 22:6 - Ebaibul

⁶ Isecit iyoŋ aŋuna ani kiinak ŋikaitotoi kon ŋisiliŋa kideniyosi, ibu todema ikes ŋiboro kec aŋuna pa apedoritotor ikes atacakin iyoŋ ŋidenio kec, ibu daŋ tolema ŋilowi kec daadaŋ ka ikimyek ikes elerete.

Yob 22:6 Iomraidhean Croise

Yob 24:3

Eramanarete ŋisigirya a ŋikokyok; ekodeneneete emoŋ a apuserut aŋuna a ibore a ŋini eikinitae ikes.

Yob 24:7

Eperete ŋikulyak akuwar kya elerete emam ŋilowi, emam ibore imukotor ikes elilimuni.

Yob 29:12

anerae eŋaranakini ayoŋ ŋulu a ŋican ŋulu ekegworonokinete ayoŋ, eŋaranakini ayoŋ ŋikokyok ŋulu amam ituŋanan apedori akiŋarakin.

Awos. 22:26

Ani kekoda ituŋanan elou a ŋinice aŋuna ka akidarunia ibore ŋini imicae iŋes, emaikina kinyakakinae ituŋanan ŋin elou keŋ ŋolo ekodunitae eriŋa akoloŋ nyedoiyoro;

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:16

nyitiya aronis adio neni a ituŋanan a idio, nyiwar aryamun ŋice alosiliŋa a ŋulu ideniyorit ituŋanan aneni keŋ, kori nyekoko ibore idio, nai inanakini ŋulu enyamit akoro ibore ŋininyamat ka ŋulu elerete ibore ŋininapat,

Esek. 18:7

ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Amos 2:8

eperete ikes alodiyete ŋamuroeta daadaŋ enapito ŋilowi ŋulu ijaunitae ituŋanan aŋuna a ŋamicae, ido emasete alo Kai ka Akuj kec epiini ŋolo itelemunio ituŋanan ŋini esecit.

Ŋikis. 24:6

Mam ituŋanan emaikina ya aneni a ŋinice amoru ŋinakiryeet, kori atapemu aŋuna ideniyoritere ibore keŋ, anerae eriyan ŋun ka akiya ibore ŋini eyarya akiyar a ituŋanan aŋuna ka akikoŋiet.