Yob 22:23 - Ebaibul

²³ Ani kiboŋu iyoŋ neni ka Akuj a ŋina etiron, ani kilema iyoŋ amamukau akiyookino alore kon,

Yob 22:23 Iomraidhean Croise

2 Ŋakiro a ŋirwa 33:13

Kilip Manase neni ka Akuj, ido abu Akuj inak iŋes ŋuna ewarit, topupok adyekitoi keŋ, kinyaku iŋes Yerusalem ka napukan keŋ. Toyenu nai Manase atemar erae kire Ekapolon Akuj.

Yob 12:14

Ani kinyasu Akuj idiobore, mam ituŋanan iwuakini ibore ŋin nen nabo; ani keya Akuj idiotuŋanan mam ituŋanan elakuni.

Yob 18:15

Emam ibore idoŋit nakais kec; ecunyakin neni sek iboiyoto ikes a ibore a ŋini erirae nooi a ŋini enyaritae Sulupa.

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 31:6

“Okoe ŋituŋa a Isirael, toboŋosi neni a Akuj a ŋina ipotu iyes tolukis nooi.

Isa. 33:15

Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Sakar 1:3

Aŋun, tolimok ŋituŋa atemar ebala Ekapolon ŋolo Etiron ebe, ‘Toboŋutu neni kaŋ, ido aboŋuni ayoŋ daŋ neni kus.’

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋikol. 2:7

Torubakisi icasito aneni keŋ ikwa isicasitotor ŋataagor ekitoe alokwap, ido toduko akusikiyar neni keŋ; kicasito ananupit kus, ikwapei ikitatamitere iyes. Torubakisi ilakanarosi neni ka Akuj!

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.