Yob 20:18 - Ebaibul

¹⁸ Ijaaryo aneni kec ibore daadaŋ ŋini apotu ikes toryamut aloticisyo kec, ijaaryo ikes eriŋa nyisyakina akisitiya, nyeryamunete ikes alelyanu anibore a ŋini apotu toryamut anakicuruta kec;

Yob 20:18 Iomraidhean Croise

Yob 20:10

Iwarete ŋidwe kec ajokis aneni a ŋikulyak; inyakakinete ŋidwe kec ŋiboro a ŋikulyak neni a ŋikulyak.

Yob 20:15

Edemete ŋikaronok ŋiboro alotuŋa, ilikete ikes ŋiboro ŋul lopite ŋolo ilikio ituŋanan akimuj, nai itelekunio ikes ebari ŋol, itelekuni Akuj ikes ebari ŋol anakookyes kec.

Yob 20:5

atemar erae alakara a ŋulu aronok ŋina euruwuana ka atemar erae alelyanu a ŋulu nyekerito Akuj adio cici a?

Yob 27:17

epedorete ikes akidyat, nai ŋulu iyookino enapete ŋilowi ŋul ka ekorarete ŋulu itiyaete ŋuna iyookino esilipa ŋol.

Yob 31:25

ani kalelyakinit ayoŋ aŋuna a ebari kaŋ a ŋolo alalan, kori aŋuna abunio oryamunia ebari ŋolo alalan,

Yob 31:29

“Nyelelyana ayoŋ aŋuna ka akinyasuno a ŋituŋa a ŋulu akaremokino ayoŋ, kori nyelakara ayoŋ aŋuna abunio aronis todoik ikes.

Yob 31:8

emaikina nai ayoŋ oek ŋikinyom, ido tolem ice tonyam; emaikina ibore ŋini erupuni aŋuna kaŋ torutoroe.

Ŋakit. 1:12

Bua etoŋopiyasi ikes eyarete ikwa ŋulu eŋopiyanarete nakibois a ŋikatwak, etoŋopiyasi ikes daadaŋ kikwaanikin ka ŋulu anuki kwap.

Ŋakit. 21:20

Erubakini ebari eyai nakais a ŋituŋa a ŋulu aosok, nai irikanarete atipei ŋibaŋaanotin ibore ŋini eryamunete.

Yer. 22:13

“Ekaŋ iyoŋ ituŋanan ŋini iduki akai keŋ anamamukau akiyookino ka kiyat ŋagulei keŋ ŋuna alokidiama anamamukau akiyookino. Ekaŋ iyoŋ ituŋanan ŋini isitiyae ŋikidunyet kon pa itaci, pa inanakini ikes etacit kec.

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Aum. 2:16

Ikikyenatar iyes ŋimoe kus daadaŋ; ikijuutiyanarete iyes ka ikimwanakinete ebasi, “Adaun ro iwon amunaar iŋes! Okoe, arae ro akoloŋit edaritae iwon na, etemokin tokona, ikiŋolik iwon!”

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Amos 8:4

Kiirasi ŋakiro nu iyes ŋulu iimakinito ŋulu eyakatar akiitanit, ido icamito akitasalun ŋikulyak anakwap,

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mat. 23:24

Iyes ŋikarikok ŋulu imudukaka, ŋulu ilemanarete ecucut anakipi imasete, nai kilikonorete bo ekaal!

Ŋikis. 28:30

Ikiikinio iyes akiit ŋapesur, nai ituruworete ŋituŋa ŋice ikes ŋaberu kec, idukokinete iyes ŋakais, nai nyiboikinosi iyes tooma kec. Idupakinete iyes ŋikito a epiini lomanikorin kus nai, nyinyamete iyes ŋaraito kec.

Ŋikis. 28:33

Enyamete ŋituŋa ŋulu nyiyenete iyes ŋaraito a akwap kus ka ibore daadaŋ ŋini itiyaunito iyes a ŋakan kus, erubakinio ikijamuwaritae ka ikisicanitae iyes,