Yob 20:17 - Ebaibul

¹⁷ Nyeyenete ikes epite ŋolo eryamuniata ŋarereŋisyo ŋuna ka abaru, nyeryamunete ikes ŋarereŋisyo ŋuna ka abaru a ŋina abobon ikwa ao ka elabo, a ŋina eleleunit ikwa ŋakipi ŋuna eleleete anaŋolol.

Yob 20:17 Iomraidhean Croise

Akisy. 18:8

Tolemu Aburaam akimyet ka ŋakile ta akiriŋ a etaok ŋolo abu iŋes kitemok, kiwuak ŋamuja ŋun daadaŋ kiŋaren ŋikilyok ŋul, kimuja. Apaki ŋin, awuoi Aburaam alodiyete kec alokitoe a ŋolopei eboiyoto ikes.

2 Sam. 17:29

Yaut ikes akimyet ka ao, akimyet, ŋamesekin ka elabo ŋolo a ŋakile a ŋaatuk, inakis Daudi ka ŋirukitos keŋ kimuja. Etiyaete ŋul ŋun, anerae apotu temasi, “Eupit ŋituŋa ka enyamit akoro ka akure ŋina atubunotor analoŋisat.”

2 Ŋirw. 7:2

Tolimu ekapolokiniton ŋasigarya ŋuna ke erwosit tema, “Nyitiyakinosi ŋakiro ŋun tari daŋ keyau Akuj akiru atipei!” Toboŋok Elisa iŋes tema, “Iŋolikini iyoŋ elope a ŋokonyen kon itiyakinosi ŋun, nai nyinyami iyoŋ akimuj ŋin.”

Yob 29:6

Apaki ŋin, abarit ayoŋ nooi, eleilei ŋakile ŋuna alalak ŋuna a ŋakinei ka ŋuna a ŋaatuk kaŋ; acuununui ayoŋ akimyet ŋina a ŋikito ka Olipa ŋina alalan anataaba.

Ŋikiru. 81:16

Nai eketani ayoŋ iyes a ŋikinyom a ŋulu ikwaan ka erau, a ŋulu ajokak nooi; ekesimwoni ayoŋ iyes ka ao a ŋina eyai natabab.”

Isa. 36:17

akitodol ŋina abunio ayoŋ arikor iyes nakwap ŋina ikwaan ka akwap kus, akwap ŋina eya ŋikinyom ka epiini, akwap ŋina a ŋamugati ka ŋikito a epiini.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 7:15

Apaki ŋina eyenunia iŋes akityak ŋakiro, toŋer aronis ka toseu ajokis, imuji iŋes ŋilaboi ka ao.

Isa. 7:22

ido imuji elabo, anerae eryamuni iŋes elabo anakile a ŋuna alalak. Ŋituŋa daadaŋ ŋulu idoŋete nakwap ŋin, imujete elabo ka ao.

Ekim. 14:23

ŋini iŋolikini akwap ŋina abu ayoŋ eik ainakin atapapaa kec, mam ipei daŋ alokidiŋ ŋulu apotu okojamuwasi ayoŋ ŋini epedori akiŋolikin akwap ŋin.

Luk. 16:24

Tosodi iŋes togeu anyaraiyanar ke etoil a ŋolo apolon ebala, ‘Papa Aburaam, kisyoni kare ayoŋ! Kiyaku Lasaro kilumok ekimoin keŋ nakipi ŋadi, ido kitililimik naŋajep kaŋ, anerae akapipilikinit ayoŋ akim na nooi!’

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.