Yob 20:12 - Ebaibul

¹² “Tari kebob aneni kec akirworo aronis, tari kimunonito ikes aronis anakituka kec,

Yob 20:12 Iomraidhean Croise

Akisy. 3:6

Kiŋolik aberu ekitoe ejok aŋuna ka akimuj, tonira daŋ ŋakonyen keŋ; tonira iŋes ekitoe aŋuna ka aosou a ŋina ikiini. Tosodi todeŋu arait alokitoe a ŋol tonyam, inak ekile keŋ daŋ ŋolo arukito ka iŋes apaki ŋin, tonyam.

2 Sam. 11:12

Tema nai Daudi neni a Uria, “Nyiboŋo a ne nakoloŋit na daŋ, eketoboŋori ayoŋ iyoŋ moi taparacu.” Aŋun abu Uria kiriya alo Yerusalem akoloŋit ŋin ka akoloŋit ŋina atupakini ŋin.

Yob 15:16

Etya nai ai amamukau asegis aneni a ŋini esiilyana ka ŋini itiyae atuna, a ŋini iturakinit ŋasecisya nakuwan keŋ lopite ŋolo emasere ŋakipi jik.

Ŋikiru. 10:7

Ileleba ŋilam nakituka kec ka amodiyo ta adedeŋu; etenito ikes a ŋinapaki alimun ŋakiro ŋuna etidiŋakinak ka ŋuna aronok.

Ŋakit. 19:28

Ejamuwarit esuuda ŋolo nyiyookino ŋakiro ŋuna iyookino, ido ebobokinit ŋulu aronok akirworo ŋakiro ŋuna aronok.

Ŋakit. 20:17

Ebob akimuj ŋina imuji ituŋanan anamodyanakin ŋuluce, nai ekaku enyami ituŋanan ŋin ŋalup.

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.