Yob 2:8 - Ebaibul

⁸ Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Yob 2:8 Iomraidhean Croise

2 Sam. 13:19

Nai abu Tamar kiwuak ekuron nakou keŋ, ido tocilicili elou ŋolo anapit iŋes, kidokok akan keŋ nakou keŋ, torotok a nen igworo nooi, iwololoe elosi.

Esta 4:1

Ani eyenuni Moridekai ŋuna keponi totubunoe daadaŋ, tocilicili ŋilowi keŋ, tonap ŋiguniyae, kipunupunakin ekuron, ido tolot kidiŋ etaun iwololoe nooi, enomorito ŋakiro.

Esta 4:3

Aŋina kibois daadaŋ a ŋina kelimoritae kori pa kelimoritae ŋakiro a erwosit ka ŋakiro ŋuna aponi totubunoe, apotu Ŋiyudayan make kisyakis akigworo nooi. Kisyakis akiredanakin akiron, akigworo ka akiwolol. Tolomakis ŋikalalak alokidiŋ kec akiper loguniyae ka lokurono.

Yob 2:9

Abu nai aberu keŋ tema neni keŋ, “Eriŋa iyoŋ irubakinit irae ŋolo iyookino a? Kicen Akuj totwana iyoŋ.”

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 38:5

Abosa ŋajemei kaŋ, aruwor etoku, aŋuna ka asecit kaŋ a ŋina ka abaŋao.

Ŋikiru. 38:7

Elelebun aryeba ŋina apipilan nooi nakuwan kaŋ; adaun aŋaleu anakuwan kaŋ.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Esek. 27:30

Iworounete ikes a nen nooi aŋuna kon, ikalounete ikes enomorito ŋakiro ŋitai nooi. Ipuripurete ikes apuwa nakyes kec, kibelibelo alokurono.

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Mat. 11:21

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya.