Yob 2:3 - Ebaibul

³ Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Yob 2:3 Iomraidhean Croise

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

2 Sam. 20:20

Toboŋok Yoab tema, “Nyikiryama ca ayoŋ ka ŋun, toriwo ŋun, nyeelielaari, kori nyenyasuni ayoŋ iŋes!

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:11

Tolema ceni iyoŋ ŋiboro ŋulu eyakar iŋes, ikiceni iŋes iyoŋ.”

Yob 1:6

Akoloŋit apei, tocununos ŋisubuna ŋulu anakuj kiŋaren Ekapolon, abu Satan daŋ bu neni acunakina ikes.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Yob 2:2

Kiŋit Ekapolon Satan tema, “Ai ibunio iyoŋ?” Toboŋok Satan tema, “Abuni ayoŋ anakirimit akwap, atubonor ayoŋ ŋiwaetin ka akwap daadaŋ.”

Yob 2:4

Toboŋok nai Satan Ekapolon tema, “Mati kibula ituŋanan ŋaokot! Epedorete ŋituŋa akijal ibore daadaŋ ŋini eyakatar aŋuna ka aiunia akiyar kec.

Yob 9:17

anerae epedori iŋes anaryenyeo kec akipudaar ayoŋ, ido kitalala ŋajemei kaŋ emam ŋadi ŋuna aronok ŋuna etiyat ayoŋ;

Yob 9:20

Tari kemam ŋakiro ŋuna aronok ŋuna etiyat ayoŋ, ekesitakinito ayoŋ ŋakiro ŋuna erworo, tari kemam ŋakiro ŋuna eketoroniyaritere ayoŋ, itoodiuni Akuj ŋakiro ŋuna nyaraakar ayoŋ ŋolo eyookino.

Ŋikiru. 26:1

Okoe Ekapolon, tolimu atemar nyasecit ayoŋ, anerae eboi ayoŋ emam ŋuna eketoronitere anakiyar kaŋ, ekinyom ayoŋ Ekapolon ŋinapei emam akiryaŋiryaŋa.

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Ŋikiru. 41:12

Ikiŋarakinit iyoŋ ayoŋ aŋuna ka akiyookino kaŋ, ikiwuakinit iyoŋ ayoŋ ŋikaru ŋikaru neni ilipyata ŋituŋa.

Ŋakit. 11:8

Eiunitae ŋulu iyookino nyeryamut ŋican, ido epote ŋican ŋul neni a ŋulu aronok.

Ŋakit. 13:6

Iyokiunit akiyookino ituŋanan ŋini iwuapit ŋuna ka akiyookino, nai elemari asecit ŋulu aronok.

Ŋakit. 14:2

Ituŋanan ŋini elosi erae ŋini iyookino, itopoloorit Ekapolon, nai ituŋanan ŋini nyitiyae ŋuna a kire, ejamuwarit Ekapolon.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 16:17

Iwuapito ŋulu iyookino ŋakiro ŋuna nyitolomarete ikes naronis, ituŋanan ŋini iyokiuno bon, iyokiunit akiyar keŋ.

Yoa. 9:3

Toboŋok Yesu ikes tema, “Nyesecit ekile lo kori nyesecito ŋikauruunak keŋ. Erae amuduko keŋ ŋinakisileereunet apedor ŋina ka Akuj aneni keŋ.

Ŋipil. 3:12

Nyabala ayoŋ adau aryamun ŋun daadaŋ kori adau jik ajokyar. Nai ekatakinit nooi aryamun eropit ŋolo eryamunete Ŋikristo anakerit kec ikwapei adaunia Yesu Kristo akituruwor ayoŋ ŋolo keŋ.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.