Yob 2:12 - Ebaibul

¹² Ani iŋolikinete ikes iŋes eriŋa elwana, apotu ikes nyeyan Yob, apotu ikes tocelut nooi, kigworo ecelasi, tocilicileta ŋikaasoi kec, ido kiela apuwa kidiama, min nakyes kec.

Yob 2:12 Iomraidhean Croise

Akisy. 27:34

Ani iirari Esau ŋakiro ŋuna alimuni papa keŋ, kikalou nooi enomorito ŋakiro etau, tema neni a papa keŋ, “Kiterereŋoe papa! Kiterereŋoe ayoŋ daŋ papa!”

2 Sam. 13:36

Akirikakin Yonadab erwor bon, todolunete ŋidwe a erwosit ŋulusapa, kiworout nooi, kikalout, kikalout erwosit daŋ ka ŋiketiyak keŋ daadaŋ nooi.

Esir 9:3

Apaki ŋina eirarya ayoŋ ŋakiro ŋun, abu ocil akaulat kaŋ ka elou kaŋ ka orut ŋitim anakou kaŋ ka alopenek kaŋ, eboikin akabulit.”

Neem. 9:1

Ŋirwa ke elap ŋatomoniarei ka ŋiomwon a elap a ŋolo a ŋikanikaarei tocunakin Ŋisirael iwapei iredakinito akiron ka enapito ŋiguniyae ka eya ŋalup nakyes kec.

Esta 4:1

Ani eyenuni Moridekai ŋuna keponi totubunoe daadaŋ, tocilicili ŋilowi keŋ, tonap ŋiguniyae, kipunupunakin ekuron, ido tolot kidiŋ etaun iwololoe nooi, enomorito ŋakiro.

Yob 1:20

Abu nai Yob tonyou, tocil ekaaso keŋ, tobanya ŋitim anakou keŋ, toramakin kwap ido kilip.

Yob 19:14

Akaesikis ayoŋ ŋiyeneta kaŋ ka ŋikonei kaŋ ŋulu sek ikirukitor;

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Esek. 27:30

Iworounete ikes a nen nooi aŋuna kon, ikalounete ikes enomorito ŋakiro ŋitai nooi. Ipuripurete ikes apuwa nakyes kec, kibelibelo alokurono.

Yos. 7:6

Apotu Yosua kaapei ka ŋikarikok a Ŋisirael tocilicileta ŋilowi kec anakiyaloloŋ, tobuburiyaros kilipa alokiŋaren Asaduku ŋina ka Acamunet a ŋina ke Ekapolon. Topero ikes aneni akitodol eboŋ, ipuripurito apuwa nakyes kec akitoodiunia akiyaloloŋ kec.

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”

Ŋikat. 2:4

Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

1 Sam. 11:4

Ani edolunete ŋituŋa ŋulu eyakitae Gibea neni eboiyo Saul, tolimosi epupete ŋituŋa daadaŋ ŋakiro ŋuna eyakitere ikes, kikalout ŋituŋa daadaŋ iworoete.

1 Sam. 30:4

Aŋun, apotu Daudi ka ŋikajiok ŋulu arukito ka iŋes, kigworo iworoete nooi, akitodol ŋina adaunor agogoŋu aneni kec ŋinakigworyet.

1 Sam. 4:12

Akoloŋit ŋin, kebu ekile epei ŋolo a ekabila a Benjamin, toem alojie, tolot Silo, todol iŋes Silo ekoris ŋilowi ka ileleba apuwa nakou.