Yob 19:13 - Ebaibul

¹³ “Eteeka Akuj ŋituŋa a ekal kaŋ aneni kaŋ, ido aruwor ŋituŋa daadaŋ ŋulu sek akayenete ayoŋ ŋigelaanotin aneni kaŋ.

Yob 19:13 Iomraidhean Croise

Yob 16:20

Akajamuwarito ayoŋ ŋikonei kaŋ; ebwaliyasi ŋakiyo ŋakonyen kaŋ adyekit Akuj ekeŋarak ayoŋ.

Yob 16:7

Kire tokona adau Akuj akitapapanun ayoŋ; adau Akuj amunyar ŋituŋa a ekal kaŋ daadaŋ.

Yob 42:11

Ekaku, potu neni a Yob ŋikaitotoi keŋ, ŋakaitotoi keŋ ka daadaŋ ŋulu sek ayenete iŋes, kimuja kaapei ka iŋes alokai keŋ. Apotu kitoodiut akiyaloloŋ ŋina sek ayakatar ikes aŋuna a Yob ka apotu kisirworiut iŋes aŋuna ka aronis a daadaŋ a ŋina abu Ekapolon yau neni keŋ abu ŋinituŋanan alotooma ŋul inak Yob ŋidisiliŋa ka ekaboboot ŋolo etiyaunitae a egolid.

Yob 6:15

Aruwor ŋirukitos kaŋ ŋulu nyikinyoma ikwa ayonae ŋina emam ŋakipi, ikwa ŋayona ŋuna ani emam akiru eokito deu,

Yob 6:20

Eyakaun ŋikarune neni kec aŋuna sek anupitotor atemar eya ŋakipi nen, nai ani epote ikes nen kitiilyata ŋayona eokito.

Ŋikiru. 31:11

Aruwor ayoŋ ejamuwaritono a ŋimoe kaŋ a daadaŋ, aruwor ayoŋ ŋolo enyasuna aneni a ŋikidunyet kaŋ, ani ekeŋolekinete ayoŋ ŋituŋa alorot, toema aneni kaŋ.

Ŋikiru. 31:12

Nyeriŋa ŋituŋa akatamunito ayoŋ anatameta, ikikwaanikin ayoŋ ka ituŋanan ŋini aberakin atwanare; ikikwaanikin ayoŋ ka eborosit ŋolo ebwaŋaŋ;

Ŋikiru. 38:11

Akaŋero ayoŋ ŋikonei ka ŋirukitos kaŋ aŋuna a ŋajemei kaŋ, eboiyosi ŋikidunyet kaŋ neni alwanan aneni kaŋ.

Ŋikiru. 38:12

Akalokunito ayoŋ ŋulu iwarito akiar ayoŋ; irworosi ŋulu iwarito akiwan ayoŋ ŋakiro ŋuna akamunaarete ayoŋ, ido etukete apaaran jwi akiar ayoŋ.

Ŋikiru. 41:9

Tari lokone kaŋ ŋolo amina ayoŋ nooi, ŋolo ekinyomit ayoŋ nooi, ŋolo abu omora ka ayoŋ akimuj, akaluki ayoŋ.

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ŋikiru. 69:8

Aruwor ayoŋ igelaanot aloyeneta kaŋ, aruwor ayoŋ igelaanot alodwe a toto kaŋ;

Ŋikiru. 69:9

anerae amina kaŋ Akai kon enepi alotau kaŋ ikwa akim, apotu neni kaŋ ŋiyany ŋulu ikiyanyata ikes iyoŋ Akuj.

Ŋikiru. 88:18

Ikituruwo iyoŋ ayoŋ ŋolo akaŋerito ŋikonei kaŋ ka ŋikidunyet kaŋ; akiryonut cuc bon erae arukitos kaŋ.

Ŋikiru. 88:8

Ikituruwo iyoŋ ayoŋ ŋolo akaŋerito ŋikonei kaŋ, ikituruwo iyoŋ ayoŋ ŋolo nyiburit ŋikonei kaŋ akiŋolikin; agolokino ayoŋ locan, emam epite ŋolo asiya;

Aum. 1:19

“Aponi isua tonyarae ŋituŋa ŋulu sek ikiriit ka isua, nai apotu ikes ikilukis isua. Apotu ŋisacaradotin ka ŋikasikou kosi totwanikis lotaun eriŋa iwarito ibore ŋininyamat aŋuna ka arubakinia eyarete.

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Mat. 26:56

Nai etiyakinosi nugu daadaŋ kiyookinotor ŋuna igirito ŋikadwarak.” Toesikis nai ŋikasyomak daadaŋ iŋes kielaros.

2 Tim. 4:16

Emam ituŋanan abu okoik ayoŋ apaki ŋina ke ekiŋaren ŋina erworor ayoŋ aŋuna kaŋ aloikiiko; apotu daadaŋ okoesikis ayoŋ. Elipit Akuj nyimarak ŋun erae asecit aneni kec!