Yob 15:25 - Ebaibul

²⁵ Itiyakinosi ŋun neni kec, anerae apotu ikes kiniŋiniŋo ŋakan kec eremokino Akuj, ido apotu kitiyata esibito ŋikelounak Akuj ŋina etiron;

Yob 15:25 Iomraidhean Croise

Yob 15:13

ido iremokin iyoŋ alotau kon Akuj ka imyekinit ŋakiro ŋuna itoroniaritor Akuj itorunito nakituk kon?

Yob 15:24

itubulete ŋican ka akiyaloloŋ ikes; ilounete ŋican ka akiyaloloŋ ikes, lopite ŋolo ilounere erwosit ŋolo sek etemokino aŋuna ke ejie.

Yob 15:26

apotu tokera itoodiunito akisyaanu kec eremokino Akuj, eyakatar ŋaupala ŋunabutur ka iturosi.

Yob 36:9

elimokini Akuj ikes ŋuna itiyato ka ŋikisila ŋulu ebilito, elimokini Akuj ikes atemar erae ŋipitesyo kec ŋulu ka akituro.

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 73:11

Iŋitasi ŋulu aronok ebe, “Alipite eyenunia Akuj? Nyeyenuni Akuj ŋina eyai kidiama nooi ŋakiro yok.”

Ŋikiru. 73:9

Irworosi ikes ŋakiro ŋuna aronok neni ka Akuj a ŋina eyai nakuj, ido irworosi ŋakiro ŋuna ka akituro kec neni a ŋituŋa.

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Isa. 27:4

mam anyunyura eyai neni kaŋ. Ani nai kelomu amoni ŋina a ŋikukwa alomanikor a ŋol, alosi ayoŋ nen akitijikin ikes, ecunya ikes daadaŋ a akim.

Isa. 45:9

“Ekaŋ iyes ŋituŋa ŋulu isiburaete ekasuban kus, iyes ŋiyeuna ikwa amot, ŋulu iyakasi kaapei ka ŋiyeuna ŋuluce! Epedori mono ecoto akiŋit ekayan keŋ ebe, ‘Nyo iye iyoŋ a?’ Kori ‘Emam atiŋet anibore a ŋini itiyau iyoŋ a?’

Yer. 36:29

Kirwor nu aŋuna ke erwosit Yeoiakim a ŋolo a Yudaya: Alimu Ekapolon atemar, idau iyoŋ akiŋer ŋakiro kaŋ ka icunya ŋakiro ŋun, ido ibu iyoŋ tema, ‘Kaanukiro igirya iyoŋ atemar kire jik ebuni erwosit a Babilon akinyasun akwap na ka emunyari ŋituŋa ka ŋityaŋ anakwap a na?’

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Yer. 50:24

Okoe Babilon, ibu iyoŋ tolokak aloc, ido abu aloc ŋin ikirum iyoŋ pei, nai pa iyeni iyoŋ ŋun, aponi ikiryamun iyoŋ ka ikikamun, anerae ibu iyoŋ kitepeg Ekapolon.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Ŋilep. 26:23

“‘Ani pa kiwuap iyes ŋakiro kaŋ tari kedaun akisican, nai torubakinito ikiŋerito ayoŋ,

Mal. 3:13

Ebala Ekapolon ebe, “Idaut iyes akirworo ŋakiro ŋuna apipilak neni kaŋ.” Nai iŋitasi ibasi, “Anukiro ŋuna apipilak ŋuna ikirworo isua neni kon?”

Ŋitic. 12:1

Ŋirwa ŋulupei, togeu erwosit Erode akikam ŋice alokidiŋ ŋikanupak ecamit akisican ikes.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.

Ŋitic. 9:5

Kiŋit Saulo tema, “Ŋae iyoŋ Ekapolon?” Toboŋok etoil tema, “Arae ayoŋ Yesu ŋolo isicanit iyoŋ.

1 Sam. 6:6

Kaanukiro itogogoŋitotor iyes ŋakyes kus ikwa aponiata Ŋijipitian ka Parao kitiyaata? Pa mono apotu ikes kimyekis Ŋisirael toloto apaki ŋina atiŋia Akuj ikes ka aryenyeo a?