Yob 15:21 - Ebaibul

²¹ Epupete ŋiryenyaanotin ŋitoilon ŋulu einakinete ikes ekabule; apaki ŋina eyakatar ikes nalakara, ebuni ekenyasan amunaar alakara kec.

Yob 15:21 Iomraidhean Croise

2 Ŋirw. 7:6

Kepotu ikes tobwaŋas anerae kebu Ekapolon ekiŋaren kisiira ŋasigarya ka Aram eruye ŋolo asibit akicodoret ŋina ka ajore a ŋina apolon nooi, ŋina edokitere ŋaŋolei ka ŋagaari ŋuna iritae a ŋaŋolei. Kepotu nai ŋasigarya ka Aram kirworikis ecelasi temasi, “Ketac erwosit a Isirael ŋirwosi a Ŋiitaiti ka ŋulu a Ŋijipitian akitijiore iwon!”

Esta 7:6

Tema Esta, “Erae ro ituŋanan ŋini ikimanit isua, ekapilan Aman lopei lo!” Tobul Aman alokiŋaren erwosit ka arwosit.

Yob 15:24

itubulete ŋican ka akiyaloloŋ ikes; ilounete ŋican ka akiyaloloŋ ikes, lopite ŋolo ilounere erwosit ŋolo sek etemokino aŋuna ke ejie.

Yob 18:11

Eyakasi ŋiboorei ŋulu etukuryanak ikes lowaetin kec daadaŋ, itekerete ŋiboorei ŋul ikes nyetapanakin ŋatotiny kwap.

Yob 18:14

Eelielaar ikes anakais a ŋuna sek ekinyomito, ayaun ikes neni a erwosit a ŋiketubulok.

Yob 20:21

Emam ibore apiyanununeete ikes kedaut akimuj, aŋun, nyerubakini abaru kec eyai.

Yob 22:10

Aŋun, ayakaun ŋatyokisyo nakiyar kon, ido ikiyalaasi iyoŋ ŋican ŋulu ka atipei,

Yob 24:17

Erae akiryonut cuc aneni kec a daadaŋ ataparacu; anerae nyeriŋa ikes ebulenene iryoniar akwap.

Yob 27:20

Ikamununui ekabule ikes lopite ŋolo iyesunor akalele, ani nakwaare kitoŋopiyasi ŋiryenyaanotin ŋikaronok daadaŋ.

Ŋikiru. 92:7

tari kelalata ŋulu aronok ikwa ŋinya ka kelalata ŋulu itiyaete aronis daadaŋ, emunyari Akuj ikes nyetakanut nabo jik.

Ŋakit. 10:24

Ebuni neni a ŋulu aronok ibore ŋini ekerito ikes, nai einakinio ŋulu iyookino ibore ŋini iitanito ikes.

Ŋakit. 28:1

Eosunit ituŋanan ŋini aronon tari kemam ituŋanan iwarit akikamun iŋes, nai etitiny ituŋanan ŋini iyookino lopite ŋolo etitinyo eŋatuny.

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Ŋilep. 26:36

Nai iyes ŋulu ikirikoryo nakwapin a ŋimoe kus, ewuakini ayoŋ akuryanu lotai kus tokuryaketa anakwapin a ŋimoe kus toruworos ŋulu ibwaŋabwaŋasi tari iirarete eruye ka akuyon a ŋina erwo alokuwuam, iemete iyes esibit ikirisitae akiar, ibusonokinosi ikes esurur tari daŋ kemam emoit ikiwuapit.

1 Ŋikor. 10:10

Nyitemokino iwon eŋuruŋuras ikwa eŋuruŋuratar ŋice kec; aŋun, abu Emalaika ŋolo ka Atwanare tomunya ikes.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

Akis. 9:11

Eyakatar ikes erwosit ŋolo ipukat ikes ŋolo erae emalaika ŋolo epolokinit auwuat ŋina aoyan ŋina nyesalunit alokwap. Enyaritae ekeekiro a Ŋaburaniyae Abadon; a Ŋagirik enyaritae Apolyon (akeepolou iŋes atemar “Ekenyasunan.”)