Yob 14:5 - Ebaibul

⁵ Aŋuna etubunitere ŋirwa ŋulu a akiyar a ituŋanan ka aŋuna iyenia iyoŋ ŋilapyo ŋulu ka akiyar a ituŋanan ka aŋuna iwuakinia iyoŋ neni isalakini ituŋanan,

Yob 14:5 Iomraidhean Croise

Yob 12:10

Napedor ŋina ka Akuj iŋes eyai akiyar a ŋinibore a daadaŋ a ŋini eyari ka ekieŋanu ŋolo eyaryata ŋituŋa daadaŋ, erae neni ka Akuj ebunitor.

Yob 14:14

Ikwapei etwakeneniata ŋituŋa, eyarunete mono ikes nabo a? Edaruni ayoŋ ikwapei emaikina edarunia, akitodol ŋina ebunio idio okolaku ayoŋ.

Yob 16:22

Kelunyar ŋikaru ŋidikudyo, alosi ayoŋ neni nyaboŋunio nabo.”

Yob 21:21

anerae emam ŋuna emisito ikes aŋuna a ŋidwe kec ekaku kec erae kituuruwuan Akuj ŋirwa ŋulu ka akiyar kec,

Yob 7:1

“Nyegogoŋ mono ŋiticisyo ŋulu itiyaete ŋituŋa anakwap a? Nyetyoko mono ŋirwa ka nyikwaan ka ŋulu a eketiyan a ŋolo etacio a ŋinakoloŋit a?

Ŋikiru. 104:29

Ani iŋeri iyoŋ ikes, ebuli; ani ilemari iyoŋ ekieŋanu kec, etwakete, toruworos ŋalup.

Ŋikiru. 104:9

Ibu iyoŋ kiwuak ŋikorin ŋulu nyepedorete ikes akitor, ikotere ikes nyeleleiyasi toburusiyasi akwap nabo.

Ŋikiru. 139:16

Aris iyoŋ kikiŋolik ayoŋ eriŋa ayoŋ nyidouno. Aris kigiri lokitaabo ŋirwa daadaŋ ŋulu ekemarakinitae ayoŋ, eriŋa tari apei daŋ nyimarakina.

Ŋikiru. 31:15

Nakan kon eyai akiyar kaŋ; toiunae ayoŋ alomoe kaŋ, a ŋulu ekemanito ayoŋ.

Ŋikiru. 39:4

“Okoe Ekapolon, tolimokinae ayoŋ akoloŋit ŋina atwania ayoŋ, ka ekimar ŋolo a ŋirwa akiyar kaŋ, kimyekinae ayoŋ oyenu auruwuanut ŋina a ŋirwa a ŋulu ka akiyar kaŋ.”

Ekal. 3:2

Eyai apaki ŋina ikidounere ka eyai apaki ŋina itwania, eyai apaki ŋina itaere ka eyai apaki ŋina elemere;

Ekal. 8:8

Mam ituŋanan epedori areun atwanare, kori akitididiyore akoloŋit ŋina etwania iŋes. Erae ŋol ejie ŋolo eyakatar ŋituŋa, ŋolo emam ŋini nyitiji, nyeiuni aronis ŋulu itiyaete aronis.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Dan. 5:26

Apolou a ŋakiro a ŋun iŋes na, MENE iŋes atemar adau Akuj akimarun ŋirwa ŋulu a apukan kon ka adaun apukan kon.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋibur. 9:27

Etwani ituŋanan daadaŋ atwanet apei, ido ekaku totubok Akuj iŋes.

Akis. 1:18

Arae ayoŋ ŋolo ayari; abu ayoŋ otwana, nai tokona ayari ŋikaru ka ŋikaru! Ayoŋ epukat atwanare ka akwap ŋina a ŋikatwak.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

1 Sam. 26:10

Tema Daudi, “Ekoŋi ayoŋ alokiro a Ekapolon a ŋolo eyari atemar, eari Ekapolon iŋes, kori edoli akoloŋit ŋina etwania iŋes; kori elosi iŋes apeikoloŋit lojie toarae a nen.