Yob 14:13 - Ebaibul

¹³ Okoe kerae ca ikiwua iyoŋ ayoŋ anakibois a ŋikatwak, kerae ca ikililiŋiya iyoŋ ayoŋ a nen akitodol ŋina edaunor anyunyura kon, kerae ca kiwuakinite iyoŋ ŋirwa ŋulu ayakar ayoŋ nakibois a ŋikatwak, ido nai totamu atemar ekedarit ayoŋ iyoŋ a nen.

Yob 14:13 Iomraidhean Croise

Akisy. 8:1

Nai abu nyimuryak Akuj Noa ka ŋibaren ta ibore daadaŋ ŋini ayari ŋini aya ka iŋes nataker. Kitukut Akuj ekuwuam anakwap, kitidipaiya ŋakipi.

Yob 14:14

Ikwapei etwakeneniata ŋituŋa, eyarunete mono ikes nabo a? Edaruni ayoŋ ikwapei emaikina edarunia, akitodol ŋina ebunio idio okolaku ayoŋ.

Yob 7:9

Lopite ŋolo ielielaaror edou, ido toŋopiya, eŋopiyanarete ŋulu eloseneneete nakibois a ŋikatwak nyetakanut nabo jik;

Ŋikiru. 106:4

Totamunae ayoŋ, okoe Ekapolon apaki ŋina iŋarakinia iyoŋ ŋituŋa kon; kiŋarakinae ayoŋ daŋ apaki ŋina iunia iyoŋ ikes,

Awos. 12:23

anerae akoloŋit ŋin nakwaare, itori Ekapolon ne eari Ŋijipitian; ani kiŋolik iŋes ŋaokot eya nakito ŋuna a ŋipukei, elunyar iŋes alopukei a ŋul. Nyecamakini iŋes ekamunyaran elomuni nakais kus akiar iyes.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Mar. 13:32

“Nai, ŋuna ka Akoloŋit a ŋin, kori ke esaa a ŋol, emam ituŋanan eyeni, nyeyenete tari ŋimalaikan ŋulu ka Akuj, kori Lokoku daŋ, nai mati Papa bon.

Luk. 23:42

Ido tema iŋes, “Yesu, totamunitetei ayoŋ, ŋina iboŋunio iyoŋ irae Erwosit.”

Ŋitic. 1:7

Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”